بھارت میں کھلبلی: ڈاکٹر ذاکر نائیک کی پاکستان آمد

بھارت کا ڈاکٹر ذاکر نائیک کے دورہ پاکستان پر اظہار مایوسی

نئی دہلی (ڈیلی پاکستان آن لائن) بھارت نے اسلامی مبلغ ڈاکٹر ذاکر نائیک کے پاکستان کے دورے اور ان کے خیر مقدم پر اظہار مایوسی کیا ہے۔

بھارتی میڈیا کی اطلاعات

بھارتی میڈیا کے مطابق وزارتِ خارجہ کے ترجمان رندھیر جیسوال نے پریس بریفنگ میں کہا کہ بھارت نے ڈاکٹر ذاکر نائیک کے پاکستان میں ہونے اور ان کے پر جوش خیر مقدم کی رپورٹس دیکھی ہیں۔ یہ افسوسناک اور قابلِ مذمت ہے، تاہم ان کے بقول یہ حیرت انگیز نہیں ہے۔

ڈاکٹر نائیک کے پاسپورٹ کا معاملہ

جب رندھیر جیسوال سے ڈاکٹر ذاکر نائیک کے پاسپورٹ کے بارے میں سوال پوچھا گیا تو انھوں نے کہا کہ انھیں نہیں معلوم کہ وہ کس پاسپورٹ پر پاکستان کا دورہ کر رہے ہیں۔

سوشل میڈیا اکاؤنٹ کی معطلی

میڈیا رپورٹس کے مطابق وزارتِ خارجہ کے ترجمان کے بیان کے فوراً بعد بھارت میں ڈاکٹر ذاکر نائیک کا سوشل میڈیا پلیٹ فارم ایکس اکاؤنٹ معطل کر دیا گیا۔ ان کے اکاؤنٹ پر وزٹ کرنے پر وہاں لکھا ہے کہ قانونی مطالبات کی وجہ سے بھارت میں ذاکر نائیک کا اکاؤنٹ معطل کر دیا گیا ہے۔