بابر اعظم نے پاکستان کی جانب سے سب سے زیادہ ون ڈے سنچریاں بنانے کا سعید انور کا ریکارڈ برابر کردیا

بابر اعظم نے ریکارڈ برابر کیا

لاہور(ڈیلی پاکستان آن لائن) پاکستان کے سٹار بیٹر بابر اعظم نے پاکستان کے جانب سے سب سے زیادہ ون ڈے سنچریوں کا ریکارڈ برابر کردیا۔ سری لنکا کے خلاف کھیلے جانے والے دوسرے ون ڈے میں سنچری سکور کرکے بابر اعظم نے سعید انور کا قومی ریکارڈ برابر کیا، سعید انور نے 244 اننگز میں پاکستان کے لیے 20 ون ڈے انٹرنیشنل سنچریاں سکور کی تھیں۔

یہ بھی پڑھیں: عالمی منڈی میں خام تیل کی قیمت میں کمی

بابر اعظم کی شاندار کارکردگی

بابر اعظم نے 136 ویں اننگز میں اپنے ون ڈے کیرئیر کی 20 ویں ون ڈے نٹرنیشنل سنچری اسکور کی۔ بابر اعظم کم سے کم اننگز میں 20 سنچریاں مکمل کرنے والے تیسرے کھلاڑی بن گئے ہیں۔ اس سے قبل جنوبی افریقا کے ہاشم آملہ نے 108 اور بھارت کے ویرات کوہلی نے 133 اننگز میں 20 ویں سنچری سکور کی تھی۔