نصرت فتح علی خان کی گلوکاری سن کر مجھے بھگوان سے تعلق جڑتا محسوس ہوتا ہے، بالی ووڈ اداکارہ شہناز گل

شہناز گل کی نصرت فتح علی خان کی تعریف

ممبئی (ڈیلی پاکستان آن لائن) بھارتی اداکارہ و بگ باس میں شرکت کرنے والی ماڈل شہناز گل نے مایہ ناز پاکستانی گلوکار و موسیقار نصرت فتح علی خان کی تعریفیں کرتے ہوئے کہا ہے کہ ان کی گلوکاری سے مجھے بھگوان سے تعلق جڑتا محسوس ہوتا ہے۔

یہ بھی پڑھیں: پہلگام واقعے کے پہلے ہی دن سے عالمی برداری میں پاکستان کا پلڑا بھاری تھا ، اسحاق ڈار

پوڈکاسٹ میں اظہار خیال

شہناز گل نے حال ہی میں ایک پوڈکاسٹ میں شرکت کی، پروگرام کے دوران انہوں نے اپنے پسندیدہ گلوکاروں اور موسیقی پر بھی بات کی۔ اس دوران انہوں نے مرحوم نصرت فتح علی خان کو اپنا پسندیدہ گلوکار قرار دیا۔ شہناز گل نے نصرت فتح علی خان کی تعریفیں کرتے ہوئے کہا کہ ان جیسی آواز اور گلوکاری کسی دوسرے فنکار کی نہیں ہے۔

یہ بھی پڑھیں: دریائے ستلج کے سیلابی ریلوں سے بہاولپور کے 7بند ٹوٹنے سے ہزاروں ایکڑ فصلیں زیر آب آگئیں

نصرت فتح علی خان کی گلوکاری کا اثر

ان کے مطابق جب استاد نصرت فتح علی خان گلوکاری کرتے ہیں تو اس کا لیول ہی کچھ اور ہوتا ہے، ان کی گلوکاری انتہائی گہری ہوتی ہے۔ اداکارہ کا کہنا تھا کہ نصرت فتح علی خان کی شخصیت سحر انگیز ہے، اگر کوئی شخص ان سے براہ راست بھی ملے گا تو ملنے والے شخص کے دونوں ہاتھ از خود بندھ جائیں گے اور وہ گلوکار کے سامنے ہاتھ باندھ کر کھڑا ہوجائے گا۔

نصرت فتح علی خان کی منفرد موسیقی

شہناز گل کے مطابق نصرت فتح علی خان کے گانے اور موسیقی سن کر ایسا محسوس ہوتا ہے جیسے بھگوان سے تعلق جڑ رہا ہو۔ انہوں نے مرحوم پاکستانی گلوکار و موسیقار کو سب سے منفرد قرار دیا اور کہا کہ ان جیسی موسیقی اور کسی کی نہیں ہو سکتی۔ بھارتی اداکارہ کی انٹرویو میں کہی گئی بات کی ویڈیو کلپ وائرل ہوگئی، جس پر صارفین نے تبصرے کرتے ہوئے ان کی بات سے اتفاق کیا اور کہا کہ نصرت فتح علی خان واقعی سب سے منفرد گلوکار تھے۔