باغوں کا شہر لاہور دنیا کے آلودہ شہروں میں آج بھی دوسرے نمبر پر

لاہور: آلودہ ترین شہر

لاہور(ڈیلی پاکستان آن لائن) باغوں کا شہر لاہور دنیا کے آلودہ ترین شہروں میں آج بھی دوسرے نمبر پر ہے۔

یہ بھی پڑھیں: پنجاب میں پٹرول موٹرسائیکل رکشے کی پروڈکشن پر پابندی لگانے کا فیصلہ

سموگ کی اوسط شرح

ماحولیاتی ویب سائٹ کے مطابق شہر میں سموگ کی اوسط شرح 429 ریکارڈ کی گئی ہے، راوی روڈ کے علاقے کا اے کیو آئی 1198، لوئر مال کا 810 اور ایف سی کالج کے اطراف کا ایئر کوالٹی انڈیکس 706 ریکارڈ کیا گیا ہے۔

یہ بھی پڑھیں: حملے میں کون ملوث تھا؟ کھیئل داس کوہستانی کا بیان سامنے آگیا

پاکستان میں دیگر آلودہ شہر

اس کے علاوہ پاکستان میں گوجرانوالہ سب سے زیادہ آلودہ ترین شہر ہے جہاں کا اے کیو آئی 593 تک پہنچ گیا ہے، فیصل آباد میں ایئر کوالٹی انڈیکس 365 اور ملتان میں 299 ریکارڈ کیا گیا ہے، پشاور کا اے کیو آئی 172 کو چھو گیا ہے۔

یہ بھی پڑھیں: اسرائیل نے قطر پر حملہ کردیا

نئی دہلی: عالمی آلودگی کی قیادت

رپورٹ کے مطابق بھارتی دارالحکومت نئی دہلی دنیا کے آلودہ ترین شہروں میں سر فہرست ہے جہاں اے کیو آئی 702 تک پہنچ گیا ہے۔

صحت کے ماہرین کی ہدایات

ماہرین صحت نے شہریوں کو ماسک استعمال کرنے، غیر ضروری باہر آنے جانے سے گریز کرنے اور گھروں میں ایئر پیوریفائر کا استعمال بڑھانے کی ہدایت کی ہے۔ ماحولیاتی ماہرین کا کہنا ہے کہ فصلوں کی باقیات جلانے، ٹریفک کے دباؤ اور صنعتی اخراج کے باعث شہر کی فضا بدترین آلودگی کا شکار ہو رہی ہے۔