اکانومسٹ کی خبر درست، بشریٰ بی بی جنرل فیض کے لیے کام کرتی تھیں، خواجہ آصف

سیالکوٹ میں وزیردفاع کی گفتگو

سیالکوٹ (ڈیلی پاکستان آن لائن) وزیردفاع خواجہ آصف نے کہا ہے کہ اکانومسٹ کی خبر درست ہے۔ بشریٰ بی بی جنرل فیض کے لئے کام کرتی تھیں اور ان کی فراہم کردہ معلومات چند روز میں درست ثابت ہو جاتی تھیں۔ بانی پی ٹی آئی مکمل طور پر جنرل فیض اور جنرل باجوہ کے کنٹرول میں تھے۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟

بنیادی مسائل کی نشاندہی

نجی ٹی وی چینل جیو نیوز کے مطابق، خواجہ آصف نے کہا کہ جنرل عاصم منیر کی رپورٹ کی وجہ سے بانی پی ٹی آئی نے ناراض ہو کر انہیں ہٹا دیا۔ انہوں نے کہا کہ پاکستان کے ساتھ سنگین مذاق کیا گیا اور طاقت کے حصول کے لئے ایک خاتون کو میدان میں لایا گیا۔ انہوں نے مزید کہا کہ چار پانچ سال کی لوٹ مار ایک منصوبے کے تحت کی گئی۔

یہ بھی پڑھیں: 27ویں آئینی ترمیم کے حوالے سے حکومت اور پیپلزپارٹی کے درمیان کوئی ڈیڈلاک والی صورتحال نہیں ہے، سلمان غنی

عدالتوں کا کنٹرول اور ملک کی کمانڈ

وزیر دفاع نے کہا کہ نوازشریف کے خلاف سپریم کورٹ میں فیصلے ایک پلان کے تحت ہوئے تھے۔ لوٹ مار کے پیسے سے بانی پی ٹی آئی کو حصہ ملتا تھا، باقی پیسہ باہر گیا۔ ان کا کہنا تھا کہ پنجاب جیسے صوبے کے ساتھ سنگین مذاق ہوا، آکسفورڈ سے پڑھ کر یہ سب کرنا افسوسناک ہے۔

یہ بھی پڑھیں: لندن روانگی سے قبل عملے کا ایک نوجوان رکن طیارے میں نہ آیا، ساتھیوں نے ہوٹل میں جا کر دیکھا تو ایسا منظر کہ پیروں تلے زمین نکل گئی

نئے قانونی اقدامات

وزیر دفاع نے کہا کہ عدلیہ کے تبادلوں کے لئے نیا قانون دنیا کے مطابق ہے۔ جسٹس منصور علی شاہ نے چیف جسٹس کے خواب دیکھے ہوئے تھے، لیکن وہ نہ بن سکے۔ ان کا کہنا تھا کہ عدلیہ آزاد ہونی چاہئے مگر ثاقب نثار اور اعجاز الاحسن جیسے انداز میں نہیں۔

ملک کے مستقبل کے خطرات

خواجہ آصف نے کہا کہ جنرل فیض عدالتوں اور بانی پی ٹی آئی دونوں کو کنٹرول کر رہے تھے۔ انہوں نے یہ بھی کہا کہ ملک کی کمانڈ جادو ٹونے کے حوالے کردی گئی تھی اور اگر بشریٰ بی بی دشمن ملک کے ہاتھ لگ جاتیں تو سنگین خطرات پیدا ہوسکتے تھے۔