شدید خشک سالی: ایران نے بارش برسانے کیلئے کلاؤڈ سیڈنگ کا آغاز کر دیا

ایران میں کلاؤڈ سیڈنگ آپریشن کا آغاز

تہران(ڈیلی پاکستان آن لائن) ایران میں دہائیوں کی بدترین خشک سالی کے باعث حکام نے مصنوعی بارش برسانے کے لیے کلاؤڈ سیڈنگ آپریشن شروع کر دیا ہے۔ سرکاری خبر رساں ایجنسی ایرنا (IRNA) کے مطابق ہفتہ کی شب ارومیہ جھیل کے طاس میں موجودہ آبی سال کی پہلی کلاؤڈ سیڈنگ پرواز کی گئی۔

یہ بھی پڑھیں: ایشیا کپ شیڈول کا اعلان ہو گیا پاکستان اور بھارت کے درمیان مقابلہ 14 ستمبر کو ہوگا

ارومیہ جھیل کا خطرہ

ایران کا سب سے بڑا جھیل ارومیہ خشک سالی کے باعث تقریباً مکمل طور پر سوکھ کر نمک زار میں تبدیل ہو چکا ہے۔ آئندہ دنوں میں مشرقی اور مغربی آذربائیجان کے صوبوں میں مزید کلاؤڈ سیڈنگ آپریشن کیے جائیں گے۔

یہ بھی پڑھیں: ڈاکٹر عارفہ زہرا کی سماجی اور تعلیمی خدمات ہمیشہ یاد رکھی جائیں گی: وزیر اعلیٰ پنجاب

کلاؤڈ سیڈنگ کی ٹیکنالوجی

اے ایف پی کے مطابق کلاؤڈ سیڈنگ میں ہوائی جہاز کے ذریعے چاندی کے آیوڈائیڈ یا نمک کے ذرات بادلوں میں چھوڑے جاتے ہیں تاکہ بارش کو تحریک ملے۔ ایران نے گزشتہ سال دعویٰ کیا تھا کہ اس نے یہ ٹیکنالوجی خود تیار کر لی ہے۔

یہ بھی پڑھیں: پشاور؛ جائیداد کے تنازع پر فائرنگ، ایف سی ملازم سمیت دو افراد جاں بحق

بارش کی ریکارڈنگ

ایرنا کی رپورٹ کے مطابق مغربی ایران کے صوبوں ایلام، کرمانشاہ، کردستان، لورستان اور مغربی آذربائیجان میں ہفتے کو بارش ریکارڈ کی گئی۔ محکمہ موسمیات کے مطابق اس سال طویل مدتی اوسط کے مقابلے میں بارش میں 89 فیصد کمی دیکھی گئی ہے۔

یہ بھی پڑھیں: پاکستان اور بھارت کے درمیان ایشیاء کپ کے تاریخی فائنل میچ کا ٹاس ہو گیا

خشک خزاں کا سامنا

حکام کا کہنا ہے کہ ملک پچاس سال کی سب سے خشک خزاں سے گزر رہا ہے۔ سرکاری میڈیا نے تہران کے قریب البرز پہاڑی سلسلے میں واقع توچال پر پہلی بار اس سال برف باری کی ویڈیوز بھی نشر کی ہیں۔

یہ بھی پڑھیں: لاہور میں 3 روز کے دوران 54 کروڑ روپے سے زائد کی ڈور اور گڈی فروخت، کائٹ ایسوسی ایشن کا دعویٰ

موسمیاتی بحران

ایران ایک بڑا خشک ملک ہے جو برسوں سے مسلسل خشک سالی اور شدید گرمی کی لپیٹ میں ہے، اور موسمیاتی تبدیلی کے باعث صورتِ حال مزید خراب ہونے کا خدشہ ہے۔

یہ بھی پڑھیں: بشریٰ بی بی عمران خان کو دھوکا دینے کا سوچ بھی نہیں سکتیں: مریم وٹو

بارش کی کمی کے اثرات

مقامی حکام کے مطابق تہران میں بارش کی مقدار سو سال میں سب سے کم رہ گئی ہے، جبکہ ملک کے نصف صوبوں میں کئی ماہ سے ایک بوند بارش بھی نہیں ہوئی۔ متعدد صوبوں کو پانی فراہم کرنے والے ذخائر بھی تاریخی حد تک کم ہو چکے ہیں۔

یہ بھی پڑھیں: پاکستان کی معروف اداکارہ صنم سعید کے گھر جلد بچے کی پیدائش متوقع

صدر کا انتباہ

ایرانی صدر مسعود پزشکیاں نے چند روز قبل خبردار کیا تھا کہ اگر سرما سے پہلے بارش نہ ہوئی تو تہران کو خالی کرانے کی ضرورت پیش آ سکتی ہے، تاہم انہوں نے اس پر تفصیل نہیں بتائی۔

خطے میں دیگر ممالک کی اقدامات

خطے کے دیگر ممالک، بشمول متحدہ عرب امارات، بھی بارش پیدا کرنے کے لیے کلاؤڈ سیڈنگ استعمال کرتے رہے ہیں۔