ایمی ایوارڈ یافتہ دی سمپسنز کے رائٹر چل بسے، موت کی وجہ بھی سامنے آگئی

ڈین مک گراتھ کا انتقال

نیویارک (ڈیلی پاکستان آن لائن) ایمی ایوارڈ یافتہ معروف اینیمیٹڈ سیریز دی سمپسنز کے مصنف اور سٹیج ڈائریکٹر ڈینیئل انتھونی مک گراتھ المعروف ڈین مک گراتھ فالج کے باعث چل بسے۔

یہ بھی پڑھیں: دہشتگردی کے خلاف جنگ میں پاکستان نے 90 ہزار جانوں کی قربانی دی ہے: وفاقی وزیراطلاعات

تعلیم و پس منظر

برطانوی خبر ایجنسی کے مطابق، ڈین مک امریکی ٹی وی اور مزاحیہ تحریر کی دنیا میں ایک معتبر اور بااثر نام تھے۔ انہوں نے جاپانی اور چینی تاریخ و سیاست کی تعلیم حاصل کی، تاہم جاپانی زبان کے تمام کورسز میں ناکامی کے باوجود وہ ہارورڈ لیمپون میں بطور رائٹر، ایڈیٹر اور کارٹونسٹ کام کرتے رہے۔

یہ بھی پڑھیں: گلوکاری شروع کی تو خاندان والوں نے والد سے تعلق توڑ دیے، معروف گلوکارہ حمیرا چنا

پیشہ ورانہ کیریئر

ہارورڈ یونیورسٹی میں تعلیم کے دوران، ڈین مک گراتھ MIT میں کمپیوٹر گیمز ڈیزائن کرنے میں بھی مصروف رہے۔ ہالی وڈ جانے سے قبل، وہ سرکاری ہسپتالوں، کلینکس اور ایمرجنسی وارڈز میں طویل عرصہ خدمات سرانجام دیتے رہے۔

یہ بھی پڑھیں: بچے میری ریڈ لائن ہیں انکے خلاف ہر قسم کے تشدد کا تدارک کریں گے: مریم نواز

ٹی وی کی دنیا میں آغاز

ٹی وی کی دنیا میں ان کا باقاعدہ آغاز "سیٹر ڈے نائٹ لائیو" (SNL) میں لکھاری کے طور پر ہوا، جہاں انہوں نے کرس فارلے اور ایڈم سینڈلر جیسے معروف فنکاروں کے ساتھ کام کیا۔ ڈین مک گراتھ نے کئی مشہور شوز کے لیے بھی تحریری خدمات انجام دیں۔

دی سمپسنز میں شمولیت

بعدازاں، وہ دنیا کے مقبول ترین اینیمیٹڈ سٹ کام "دی سمپسنز" کی ٹیم میں شامل ہوئے اور کئی اقساط کے شریک مصنف رہے۔ اسی کام پر انہیں ایمی ایوارڈ سے نوازا گیا۔