روڈز پر احتیاط کریں، ٹریفک قوانین کی خلاف ورزی کرنے والوں کے خلاف مزید سخت جرمانے عائد کیے ہیں، وزیراعلیٰ مریم نواز

لاہور میں ٹریفک حادثات کی یاد

وزیراعلیٰ پنجاب مریم نواز نے ٹریفک حادثات میں جاں بحق افراد کی یاد کے عالمی دن پر اپنے پیغام میں کہا ہے کہ ہر سال ٹریفک حادثات میں ہزاروں خاندانوں سے پیارے جدا ہوجاتے ہیں، یہ ہر دل کے لیے ناقابلِ برداشت صدمہ ہے۔

یہ بھی پڑھیں: خواتین ہراسگی کیس: لاہور ہائیکورٹ نے صوبائی محتسب کا فیصلہ درست قرار دیدیا

حفاظت کے لیے احتیاطی تدابیر

روڈز پر احتیاط کریں، ٹریفک قوانین کی پابندی کریں، اور اپنی اور دوسروں کی جان کی حفاظت کو اولین ترجیح دیں۔

یہ بھی پڑھیں: دہشتگردوں کے خلاف رواں سال ہونے والے آپریشنز کی تفصیلات جاری، سب سے زیادہ انٹیلیجنس بیسڈ آپریشن کس صوبے میں کیے گئے؟ جانیے

ڈرائیونگ کے دوران احتیاط

وزیراعلیٰ مریم نواز نے عوام سے اپیل کی ہے کہ ڈرائیونگ کے دوران موبائل فون ہرگز استعمال نہ کریں، رفتار کی حد کا خیال رکھیں۔ پیدل چلنے والوں کو ترجیح دیں اور ہمیشہ سڑک پر احتیاط سے گاڑی چلائیں۔

یہ بھی پڑھیں: زرمبادلہ ذخائر 38 ماہ کی بلند ترین سطح پر پہنچ گئے

پنجاب حکومت کے اقدامات

پنجاب حکومت روڈز کو محفوظ بنانے کے لیے جامع اور مؤثر اقدامات کر رہی ہے۔ ٹریفک قوانین کی خلاف ورزی کرنے والوں کے خلاف مزید سخت جرمانے اور پابندیاں نافذ کی گئی ہیں۔ حادثات سے بچاؤ کے لیے گاڑیوں کی فٹنس کے باقاعدہ ٹیسٹ کرائے جا رہے ہیں تاکہ حادثات کی شرح میں کمی لائی جا سکے۔

سیف سٹی اور جدید ٹریفک نظام

مختلف اضلاع میں سیف سٹی اور جدید ٹریفک نظم و نسق کے اقدامات عوام کی حفاظت کو یقینی بنا رہے ہیں۔ اگر سب سڑک پر ذمہ داری سے چلیں تو حادثات کم ہوں گے اور پاکستان کے شہری محفوظ رہیں گے۔