قومی اسمبلی: بیوی بچوں، بزرگوں کے سماجی تحفظ کیلئے قانون منظور، گالی دینا بھی جرم

ڈومیسٹک وائلنس بل 2025 کی منظوری

اسلام آباد (ڈیلی پاکستان آن لائن) قومی اسمبلی میں بیوی بچوں کے سماجی تحفظ سے متعلق اہم قانون ڈومیسٹک وائلنس بل 2025 منظور کر لیا گیا۔

یہ بھی پڑھیں: سالوں بعد پی آئی اے سے جرمانہ ریکور کر لیا گیا

ملک میں اہم تبدیلیاں

نجی ٹی وی چینل دنیا نیوز کے مطابق قومی اسمبلی سے ڈومیسٹک وائلنس بل 2025 کی منظوری کے بعد اب بل کا مسودہ سینیٹ میں پیش ہوگا۔ بل میں بیوی، بچوں یا گھر میں رہنے والے دیگر افراد کو گالی دینا جرم قرار دیا گیا ہے۔

یہ بھی پڑھیں: نعمان اعجاز کے گرمیوں کی چھٹیوں میں بچوں سے نمٹنے کے لیے ماؤں کو خاص مشورے

جرم کے زمرے

متن کے مطابق بیوی، بچے یا گھر میں موجود دیگر افراد کو جذباتی، نفسیاتی طور پر پریشان کرنا بھی جرم ہوگا۔ مرتکب افراد کو تین سال تک کی سزا، ایک لاکھ روپے تک کا جرمانہ بھی عائد کیا جا سکے گا۔

یہ بھی پڑھیں: مستونگ میں 10 سالہ لڑکی کو گھر میں جنسی تشدد کا نشانہ بنانے کے بعد قتل کر دیاگیا

مزید جرائم کی وضاحت

مسودے کے مطابق بیوی، بچوں کے علاوہ گھر میں معذور افراد یا بزرگ افراد کا تعاقب کرنا بھی جرم ہوگا۔ بیوی کو مرضی کے بغیر گھر میں دیگر افراد کے ساتھ رکھنا بھی قابل سزا جرم ہوگا۔ خاندان کے افراد کی پرائیویسی یا عزت نفس مجروع کرنا بھی جرم قرار دیا گیا ہے۔

یہ بھی پڑھیں: صنعتی ترقی کے لیے انڈسٹری کا نیا سروے کرانے کا فیصلہ، ہنرمند پروگرام کے تحت 1لاکھ80 ہزار سے زائد نوجوانوں کی ٹریننگ کا نیا اور منفرد ریکارڈ قائم

تھریٹس اور الزام

متن میں کہا گیا ہے کہ بیوی یا گھر میں رہنے والے دیگر افراد کو جسمانی تکلیف پہنچانے کی دھمکی بھی قابل سزا جرم ہوگا۔ گھر میں ایک ساتھ رہنے والے کسی بھی فریق پر الزام لگانے پر بھی سزا ہوگی، جبکہ بیوی، بچوں یا گھر میں رہنے والی دیگر فریق کا خیال نہ کرنا بھی قابل سزا جرم ہے۔

یہ بھی پڑھیں: سجن آ ون آکھی ٹھرن۔۔وزیر اعلیٰ مریم نواز۔۔ تم بے مثال ہو۔۔ بلوچ لیویز کی خواتین اہلکاروں کی سلامی

جنسی اور معاشی استحصال

قومی اسمبلی سے پاس ہونے والے ڈومیسٹک وائلنس بل میں جنسی اور معاشی استحصال کو بھی کور کیا گیا ہے۔ بل کا اطلاق بیوی، بچوں، گھر کے بزرگ افراد، لے پالک، ٹرانس جینڈر جو ایک ساتھ رہتے ہوں ان پر ہوگا۔

بل کی پیشکش

واضح رہے کہ پاکستان پیپلز پارٹی کی رکن اسمبلی شرمیلا فاروقی نے یہ بل قومی اسمبلی میں پیش کیا تھا۔