کنسرٹ میں بھارتی پرچم لہرانے پر گلوکار طلحہ انجم نے معافی مانگ لی

طلحہ انجم کی معافی

لاہور(ڈیلی پاکستان آن لائن) کنسرٹ کے دوران بھارتی پرچم لہرانے والے پاکستانی نوجوان ریپر طلحہ انجم نے اپنے کیے پر ندامت کا اظہار کرتے ہوئے قوم سے معافی مانگ لی۔

یہ بھی پڑھیں: کرکٹ کی تاریخ کا انوکھا واقعہ؛ 427 رنز کے تعاقب میں پوری ٹیم صرف 2 رنز پر ڈھیر

تفصیلات

تفصیلات کے مطابق چار روز قبل طلحہ انجم نے نیپال میں کنسرٹ کے دوران بھارتی پرچم لہرایا اور پھر اس کا دفاع بھی کیا تھا۔ بھارتی پرچم لہرانے پر پاکستانیوں کی جانب سے طلحہ انجم کو شدید تنقید کا سامنا تھا۔

یہ بھی پڑھیں: امریکہ کی جانب سے ایران کو اقتصادی پابندیاں ختم کرنے کی پیشکش کا امکان

مداحوں کا ردعمل

پاکستانی مداحوں نے طلحہ انجم کو مخاطب کرتے ہوئے کہا کہ بھارت نے جنگ مسلط کرنے کی کوشش کی، جبکہ ہمارے اداکاروں اور گلوکاروں پر اپنے دروازے بند کیے تو اُن کے لیے کیسا جذبہ خیر سگالی۔

یہ بھی پڑھیں: گھریلو جھگڑا خونریزی میں تبدیل؛ بھائی کے ہاتھوں بھائی، بھابی اور بھتیجا قتل

طلحہ انجم کا موقف

نجی ٹی وی پروگرام میں گفتگو کرتے ہوئے طلحہ انجم نے بھارتی پرچم لہرانے کے وائرل کلپ سے متعلق سوال کا جواب دیا اور بتایا کہ پرفارمنس کے دوران حاضری میں موجود ایک شخص کے پاس بھارتی جھنڈا تھا تو اُس نے وہ میرے ہاتھ میں تھما دیا۔

انہوں نے کہا کہ میں نے پرچم لہرایا نہیں بلکہ اپنے کاندھوں پر رکھ لیا تھا، جس کے بعد ویڈیو سامنے آئی تو تنقید شروع ہوگئی۔

یہ بھی پڑھیں: اس دفعہ ہم کفن باندھ کر فیصلہ کن جنگ کے لیے نکلیں گے: علی امین گنڈا پور

کنسرٹ کی صورت حال

طلحہ انجم نے کہا کہ اسٹیج پر صورت حال بہت مختلف ہوتی ہے۔ جس وقت یہ سب کچھ ہوا میں اپنے مشہور گانے ’کون طلحہ‘ پر پرفارم کر رہا تھا اور اس دوران وہاں پر بھارتی ریپر بھی میری سپورٹ کے لیے آگئے، انہوں نے میرا ساتھ دیا۔

انہوں نے مزید کہا کہ 'اسی دوران پھر حاضرین میں موجود ایک نوجوان نے میرے ہاتھ میں بھارتی پرچم تھمایا، وہ ایسا وقت تھا کہ میں نے احتراما اُس مداح کے ملک کا پرچم پکڑ لیا اور پھر شائقین نے شور کیا تو میں نے دوستی کا پیغام دیا۔'

غیر مشروط معافی

کنہوں نے کہا کہ میرا بھارتی پرچم لہرانے کا کوئی ارادہ نہیں تھا، پھر بھی دل آزاری اور جذبات کو ٹھیس پہنچانے پر قوم سے غیر مشروط معافی مانگتا ہوں۔