پاکستان میں جمہوری اور غیر جمہوری فوجوں کی لڑائی شروع ہوگئی ،وہ دن آئے گا جب ہم سیڑھیاں لے کر جیل کی دیواروں سے اندر کود جائیں گے، محمود خان اچکزئی

چیئرمین پختونخوا ملی عوامی پارٹی کا بیان

اسلام آباد (ڈیلی پاکستان آن لائن) چیئرمین پختونخوا ملی عوامی پارٹی اور تحریک تحفظ آئین پاکستان کے سربراہ محمود خان اچکزئی کا کہنا ہے پاکستان میں جمہوری اور غیر جمہوری فوجوں کی لڑائی شروع ہوگئی ہے۔ ہمارا ہر ساتھی ضمیر اور عوام کے مفادات کا قیدی ہوگا۔

یہ بھی پڑھیں: کم عمری کی شادی کی ممانعت کا متنازعہ بل

عمران خان سے ملاقات کا حق

عمران خان سے ملاقات ہمارا حق ہے۔ اگر یہ اب ہمیں عمران خان سے ملاقات نہیں کرنے دیں گے تو جلد وہ دن آئے گا جب ہم سیڑھیاں لے کر اڈیالہ جیل کی دیواریں پھلانگ کر عمران خان سے ملاقات بھی کریں گے اور اسے رہا بھی کرائیں گے۔

حکومت پر تنقید

محمود خان اچکزئی نے مزید کہا کہ ہم کسی سے لڑنا نہیں چاہتے لیکن پاکستان میں چور، ظالم اور غاصب حکمرانی تسلیم نہیں کریں گے۔ آئین کو روندا گیا ہے، آئین پھاڑ دیا گیا ہے۔ زر و زور سے اقتدار پر قابض مینڈیٹ چوروں نے پارلیمنٹ کو بانجھ بنا دیا ہے۔ پہلے صرف ہم کہتے تھے کہ یہ چوروں کی حکومت ہے اب تو ان کے ماما آئی ایم ایف نے بھی ان کو چور قرار دیا ہے کہ انہوں نے اربوں روپے کھائے ہیں۔

پاکستان میں جمہوری اور غیر جمہوری فوجوں کی لڑائی شروع ہوگئی ہے۔ ہمارا ہر ساتھی ضمیر اور عوام کے مفادات کا قیدی ہوگا۔ عمران خان سے ملاقات ہمارا حق ہے اگر یہ اب ہمیں عمران خان سے ملاقات نہیں کرنے دینگے تو جلد وہ دن آئے گا ہم سیڑھیاں لے کر اڈیالہ کی دیواریں پھلانگ کے ملاقات بھی… pic.twitter.com/GpONeasXNa

— PTI (@PTIofficial) November 21, 2025