فرانسیسی کمانڈر نے مئی 2025 کی فضائی جھڑپ میں پاکستان کی ایئر سپیریئرٹی کی تصدیق کر دی

پاک بھارت فضائی جھڑپ کی تفصیلات

پیرس (ڈیلی پاکستان آن لائن) فرانسیسی بحریہ کے سینئر کمانڈر کی جانب سے اس بات کی تصدیق کی گئی ہے کہ مئی 2025 کی پاک بھارت فضائی جھڑپ میں بھارتی رافیل طیارے پاکستان کی بہتر حکمتِ عملی کے باعث مار گرائے گئے۔

یہ بھی پڑھیں: کابینہ کمیٹی پنجاب نے صوبے بھر میں دفعہ 144 میں یکم نومبر تک توسیع کی منظوری دے دی

کمانڈر کا تجزیہ

نجی ٹی وی جیو نیوز کے مطابق کیپٹن ژاک لونائے، جو نیول ایئر بیس لینڈیوِزیو کے کمانڈر ہیں اور 25 سال سے رافیل اڑا رہے ہیں، نے انڈو پیسیفک کانفرنس کے دوران بتایا کہ رات کے اندھیرے میں 140 سے زیادہ لڑاکا طیاروں کی موجودگی نے حالات کو غیر معمولی حد تک پیچیدہ بنا دیا تھا، لیکن پاکستان نے اس صورتحال کو زیادہ مہارت، نظم اور کم خطا کے ساتھ سنبھالا۔

یہ بھی پڑھیں: سرخ لکیر مٹ گئی، ایسے کام ہوئے جو پہلے کبھی نہیں ہوئے تھے، چھوٹا سا واقعہ بھی پاک بھارت جنگ شروع کراسکتا ہے، ماہرین نے وارننگ دے دی

رافعیل طیارے کی کارکردگی

لونائے کا کہنا تھا کہ رافیل کا ریڈار سسٹم کسی تکنیکی خرابی کا شکار نہیں تھا بلکہ مسئلہ بھارتی پائلٹس کے آپریشنل استعمال میں تھا۔ انہوں نے واضح کیا کہ رافیل کارکردگی کے لحاظ سے چینی J0C کا پوری طرح مقابلہ کرنے کی صلاحیت رکھتا ہے۔ بریفنگ کے دوران ایک بھارتی مندوب نے یہ دعویٰ کیا کہ رافیل گرائے جانے کی رپورٹس “چینی پروپیگنڈا” ہیں، مگر کمانڈر نے اسے نظرانداز کرتے ہوئے اپنا تجزیہ جاری رکھا۔

یہ بھی پڑھیں: سندھ کے پانی اور وسائل کو لوٹا جارہا ہے، چولستان میں کینال بنانا ناانصافی ہے: لطیف پلیجو

عالمی تجزیہ اور بھارت کا مؤقف

فرانسیسی کمانڈر نے انکشاف کیا کہ دنیا بھر کی افواج اس جھڑپ کا بغور مطالعہ کر رہی ہیں کیونکہ یہ جدید طیاروں اور میزائل سسٹمز کی حقیقی جنگی کارکردگی جانچنے کا نایاب موقع تھا۔ بھارت سرکاری طور پر اب بھی طیاروں کے نقصان کو تسلیم نہیں کرتا، لیکن مختلف ممالک کی رپورٹس اس سرکاری مؤقف کو کمزور کر رہی ہیں۔

یہ بھی پڑھیں: بھارتی فوج کا کلکتہ کے تاریخی ریڈ روڈ پر عیدالاضحیٰ کی نماز کی اجازت دینے سے انکار

بھارت کی نیول رافیل کی خریداری

لونائے نے مزید بتایا کہ بھارت اب نیول رافیل طیارے خریدنے میں دلچسپی رکھتا ہے، جو ایئرکرافٹ کیریئر سے اڑان بھرنے اور جوہری صلاحیت رکھنے کی وجہ سے اس کے اسٹریٹجک اثاثوں میں اضافہ کر سکتے ہیں۔ بھارتی پائلٹس کی تربیت اسی فرانسیسی بیس پر کی جائے گی جہاں سے جوہری میزائل بردار رافیل اسکواڈرن بھی آپریٹ ہوتا ہے۔

امن کی خواہش اور کشیدگی کی صورتحال

انہوں نے پاکستان اور بھارت کی قیادت کی اس فیصلے کو بھی سراہا کہ دونوں ممالک نے انتہائی کشیدہ صورتحال کے باوجود مکمل جنگ کی طرف قدم نہیں بڑھایا، اور کہا کہ فرانس امن کا خواہاں ہے لیکن ہر قسم کی جارحیت کا جواب دینے کی صلاحیت رکھتا ہے۔ کانفرنس میں بھارت کے متعدد نمائندے موجود تھے جبکہ پاکستان کی نمائندگی صرف ایک صحافی کر رہا تھا، حالانکہ مئی 2025 کی فضائی جھڑپ اس اجلاس کا اہم ترین موضوع رہی۔