اللّٰہ کو منظور ہوا تو مجھے عمرہ پر جانے کی اجازت ملے گی: شیخ رشید

شیخ رشید کی عمرے پر جانے کی امید

راولپنڈی(ڈیلی پاکستان آن لائن) سابق وفاقی وزیر شیخ رشید کا کہنا ہے کہ اللّٰہ کو منظور ہوا تو مجھے عمرے پر جانے کی اجازت ملے گی۔

یہ بھی پڑھیں: 10 سالہ بچی کی گردن اور ٹانگ پر جامنی نشان، والدین اسے ہسپتال لے گئے تو ایسا انکشاف کہ پیروں تلے زمین نکل گئی

لاہور ہائی کورٹ میں کیس کی سماعت

روزنامہ جنگ کے مطابق لاہور ہائی کورٹ پنڈی بینچ کے باہر میڈیا سے گفتگو کرتے ہوئے انہوں نے کہا کہ حکومت نے میرے کیس میں انٹرا کورٹ اپیل دائر کی ہے۔

یہ بھی پڑھیں: ناروال ؛جھگڑے پر بیوی نے مبینہ طور پر تیز دھار آلے سے شوہر کو زخمی کردیا

حکومت کا عدالت سے حکم امتناع

شیخ رشید نے کہا کہ حکومت نے عدالت سے حکم امتناع حاصل کیا ہے، ہمارا کیس آئندہ منگل تک چلا گیا ہے۔
اس سے قبل ایف آئی اے اور پاسپورٹ امیگریشن حکام کے خلاف شیخ رشید احمد کی رٹ پٹیشن پر سماعت جسٹس صداقت علی خان نے کی۔

یہ بھی پڑھیں: علی ترین نے چیئر مین پی سی بی کو خط لکھ کر پی ایس ایل کو مزید شفاف بنانے کے لیے تجاویز دے دیں

عدالت میں پیشی

شیخ رشید اپنے وکیل سردار عبدالرزاق خان کے ہمراہ عدالت پیش ہوئے۔

یہ بھی پڑھیں: 26ویں آئینی ترمیم کا کیس سپریم کورٹ کا فل بینچ سنے یہ اہم ضرورت ہے:سینیٹر حامد خان

ایڈیشنل اٹارنی جنرل کی وضاحت

دوران سماعت ایڈیشنل اٹارنی جنرل نے کہا کہ ایف آئی اے اور پاسپورٹ امیگریشن حکام نے سنگل بینچ فیصلے کے خلاف انٹرا کورٹ اپیل دائر کی ہے، جسٹس رضا قریشی اور جسٹس جواد حسن پر مشتمل ڈویژن بینچ نے سنگل بینچ کا فیصلہ معطل کر کے حکم امتناع جاری کیا۔

یہ بھی پڑھیں: والد کے انتقال کا سن کر بھی لوگوں کو ہنساتا رہا، شکیل صدیقی نے اپنی زندگی کے سب سے مشکل لمحے سے پردہ اٹھا دیا۔

کیس کی مزید سماعت

عدالت نے کیس کی مزید سماعت 2 دسمبر تک ملتوی کر دی۔

عمرے پر جانے کی اجازت کا معاملہ

واضح رہے کہ عدالت نے شیخ رشید کو عمرے پر جانے دینے کے احکامات دے دیے تھے۔ شیخ رشید نے اسلام آباد انٹرنیشنل ایئرپورٹ پر روکے جانے کے خلاف رٹ پٹیشن دائر کی ہے۔