اے ڈی بی نے پاکستان کے لیے 4 کروڑ 80 لاکھ ڈالر کی اضافی فنانسنگ کی منظوری دیدی

ایشیائی ترقیاتی بینک کی نئی فنانسنگ

اسلام آباد (ڈیلی پاکستان آن لائن) ایشیائی ترقیاتی بینک نے پاکستان کیلئے 4 کروڑ 80 لاکھ ڈالر کی اضافی فنانسنگ کی منظوری دے دی۔

یہ بھی پڑھیں: 18 آئی پی پیز سے 2 ہفتوں میں معاہدے کا امکان، سالانہ کتنے ارب روپے کی بچت ہو گی؟ اہم تفصیلات جانیے

پانی کے منصوبے میں سرمایہ کاری

اے ڈی بی کے مطابق یہ فنڈز صوبہ بلوچستان میں پانی سے متعلق منصوبے پر خرچ ہوں گے۔ جدید پائپڈ واٹر سپلائی سسٹم متعارف کرانے سے پانی کے ضیاع میں نمایاں کمی آئے گی۔ صوبے میں پانی کی شدید قلت اور موسمیاتی اثرات کی وجہ سے زرعی شعبہ دباؤ میں ہے، اور بلوچستان کی معیشت کا دو تہائی حصہ زراعت پر مبنی ہے جبکہ 60 فیصد آبادی اسی شعبے سے وابستہ ہے۔

زرعی اراضی میں بہتری

اے ڈی بی کا کہنا ہے کہ 1 ہزار 839 ہیکٹر بارانی اراضی میں بھی پانی کی دستیابی بہتر ہوگی۔ یہ منصوبہ ژوب اور مُولا دریا بیسن میں روزگار اور خواتین کیلئے معاشی مواقع بڑھائے گا۔ اس منصوبے میں جاپان فنڈ اور ہائی لیول ٹیکنالوجی فنڈ کی کو فنانسنگ بھی شامل ہے۔