بجلی 65 پیسے فی یونٹ سستی ہونے کا امکان

بجلی کی قیمت میں کمی کا امکان

اسلام آباد (ڈیلی پاکستان آن لائن) ایک ماہ کیلئے بجلی 65 پیسے فی یونٹ سستی ہونے کا امکان ہے۔

یہ بھی پڑھیں: پاکستان میں دراندازی افغان پالیسی کا حصہ نہیں ہے، افغان ناظم الامور

نیپرا سے درخواست کی سماعت

نجی ٹی وی سما نیوز کے مطابق سینٹرل پاور پرچیزنگ ایجنسی (سی پی پی اے) نے اکتوبر کی ماہانہ فیول پرائس ایڈجسٹمنٹ کی مد میں نیپرا کو درخواست جمع کروا دی ہے جس پر آج سماعت ہوگی۔

یہ بھی پڑھیں: پنجاب میں سیلابی صورتحال، وزیراعظم کی زیر صدارت ہنگامی اجلاس، خصوصی بریفنگ، اہم ہدایات جاری

فیول لاگت میں کمی

سینٹرل پاور پرچیزنگ ایجنسی نے نیپرا میں دائر اپنی درخواست میں مؤقف اختیار کیا ہے کہ اکتوبر کے دوران فیول لاگت میں کمی آئی، جس کے باعث ملک بھر کے صارفین کیلئے بجلی 65 پیسے فی یونٹ سستی کی جا سکتی ہے۔

بجلی کی پیداوار اور کھپت

سی پی پی اے اکتوبر میں پانی سے زیادہ بجلی پیدا ہونے سے فیول ایڈجسٹمنٹ پر اثر پڑا، طلب میں کمی کے باعث کوئلے سے کم بجلی پیدا کی گئی، اکتوبر میں ایندھن کی قیمتیں مستحکم رہیں، گزشتہ سال اکتوبر کی نسبت انڈسٹری کی کھپت 25 فیصد بڑھی ہے۔