پاکستان کو لیڈ کرنے کے لیے ایک خلیفہ آنے والا ہے، اس کی عمر 45 سال ہو گی اور اس کا تعلق بنو ھاشم سے ہوگا، آفتاب اقبال کا دعویٰ
آفتاب اقبال کی نئی پیشگوئی
لاہور (ڈیلی پاکستان آن لائن) معروف اینکر پرسن اور کالم نگار آفتاب اقبال نے اپنے حالیہ بیان میں دعویٰ کیا ہے کہ پاکستان کا نظام عنقریب بڑی تبدیلی سے گزرنے والا ہے۔ ان کے مطابق “اللہ نے اس کا فیصلہ کر لیا ہے اور پاکستان میں ایک خلیفہ آنے والا ہے۔”
یہ بھی پڑھیں: پرائمری سکولوں کی بندش کے بعد سموگ کے تدارک کیلئے ایک اور بڑا اقدام
جديد نظام کی قیادت
اپنے وی لاگ میں آفتاب اقبال کا کہنا تھا کہ وہ شخص 45 سال عمر کا ہوگا، وردی میں نہیں ہوگا اور اس کا تعلق بنو ہاشم کے خاندان سے بتایا جا رہا ہے۔ انہوں نے یہ بھی دعویٰ کیا کہ یہ خاندان تاریخی روایات کے مطابق 710 عیسوی میں برصغیر میں پہنچا تھا۔
یہ بھی پڑھیں: ملک بھر میں گرمی کی شدت مزید تین دن برقرار رہے گی ، بعض مقامات پر بارش کا امکان۔
بدلتے حالات اور ممکنہ جنگ
انہوں نے یہ بھی دعویٰ کیا کہ “نئے نظام کو اللہ کا بھیجا ہوا شخص لیڈ کرے گا، جسے ووٹ کی ضرورت نہیں پڑے گی اور وہ طویل عرصہ حکمرانی کرے گا۔” انہوں نے مزید کہا کہ “اس تبدیلی سے قبل پاکستان اور بھارت کے درمیان شدید جنگ ہوگی۔”
سوشل میڈیا پر تبصرے
میرا @Aftab_Iqbal1 سے صرف ایک سوال ہے
آپ کے اس دعوے کا سورس کیا ہے؟ غیب کا علم تو صرف اللہ رب العزت کی ذات کے پاس ہے۔ آپ کیسے اتنے وثوق سے کہہ رہے کہ پاکستان کو لیڈ کرنے کے لیے کوئی 45 سالہ شخص آ رہا ہے جس کی کوئی پبلک پروفائل نہیں ہے اور وہ بنو ہاشم سے ہے؟؟؟ pic.twitter.com/LGLWknh4B4— Fayyaz Shah (@RebelByThought) November 27, 2025
