کراچی میں نجی کمپنی کی کیش وین سے 20 کروڑ 50 لاکھ روپے لوٹنے والا ملزم گرفتار

کراچی میں سندھ رینجرز کی کارروائی

کراچی (ڈیلی پاکستان آن لائن) سندھ رینجرز نے پہلوان گوٹھ میں کارروائی کرتے ہوئے نجی کمپنی کی کیش وین لوٹنے کی واردات میں ملوث ایک ملزم کو گرفتار کرلیا۔

یہ بھی پڑھیں: جن کا گھر سیلاب سے متاثر ہوا ان کو 10 لاکھ روپے دیں گے، مریم نواز

ملزم کی شناخت اور گرفتاری

گرفتار ملزم نے 2021 میں اپنے چھوٹے بھائی اور دیگر ساتھیوں کے ہمراہ آئی آئی چندریگر روڈ پر نجی کمپنی کی کیش وین سے 20 کروڑ 50 لاکھ کی رقم لوٹی تھی۔

یہ بھی پڑھیں: عیدالاضحیٰ پر یوٹیلیٹی سٹورز پر مصالحہ جات کی قیمتوں میں نمایاں کمی

کارروائی کی تفصیلات

ایکسپریس نیوز کے مطابق، ترجمان کا کہنا ہے کہ سندھ رینجرز نے خفیہ معلومات کی بنیاد پر پہلوان گوٹھ کے علاقے میں کارروائی کرتے ہوئے غیر قانونی اسلحہ کی خرید و فروخت، ڈکیتی اور دیگر متعدد وارداتوں میں ملوث ملزم عبدالصمد ولد جُمن شاہ کو گرفتار کیا۔ اس کے قبضے سے ایک 30 بور پسٹل بمعہ ایمونیشن، بغیر لائسنس، چوری شدہ موٹر سائیکل اور موبائل فون برآمد ہوئے۔

یہ بھی پڑھیں: سب کو معلوم ہونا چاہئے کہ افغانستان کا طالبان ازم کسی بھی قیمت پر پاکستان میں نافذ نہیں کیا جا سکتا ، خواجہ سعد رفیق

دوران تفتیش انکشافات

گرفتار ملزم نے دوران تفتیش انکشاف کیا کہ وہ 2021 میں اپنے چھوٹے بھائی حنیف اللہ عرف سراج خان اور دیگر ساتھیوں کے ہمراہ آئی آئی چندریگر روڈ پر نجی کمپنی کی کیش وین کی ڈکیتی میں بھی ملوث ہے۔ اس واردات میں تقریباً 20 کروڑ 50 لاکھ کی رقم لوٹی گئی تھی۔

دیگر ملزمان کی گرفتاری کی کوششیں

ملزم نے مزید انکشاف کیا کہ وہ مختلف ڈکیتوں، منشیات فروشوں اور کار لفٹر گروہوں کے ساتھ رابطے میں رہتا ہے اور ان کو وارداتوں کے لیے غیر قانونی اسلحہ فروخت کرتا ہے۔ گرفتار ملزم کے دیگر ساتھیوں کی گرفتاری کے لیے چھاپے مارے جا رہے ہیں۔ ملزم کو اسلحہ، ایمونیشن اور مسروقہ سامان کے ساتھ مزید قانونی کارروائی کے لیے پولیس کے حوالے کردیا گیا۔