لاہور میں گھر والوں کی غیر موجودگی میں گھر وں کا صفایا کرنے والا گروہ گرفتار
لاہور میں چوروں کا گروہ گرفتار
لاہور (ڈیلی پاکستان آن لائن) گھر والوں کی غیر موجودگی میں گھروں کا صفایا کرنے والا گروہ گرفتار کر لیا گیا۔ فیصل ٹاؤن پولیس نے ملزمان کی سی سی ٹی وی فوٹیجز کی مدد سے ٹریس کرنے کے بعد گرفتار کیا۔
یہ بھی پڑھیں: اقوام متحدہ کے سیکریٹری جنرل اور وزیر اعظم کا جنوبی ایشیا کی حالیہ صورتحال پر ٹیلیفونک رابطہ
چوری کے طریقہ کار
ایس پی ماڈل ٹاؤن کا کہنا ہے کہ ملزمان مختلف علاقوں میں گھروں کی ریکی کرتے اور گھر والوں کی غیر موجودگی میں گھر کا تالا توڑ کر سامان چوری کرتے تھے۔
برآمد شدہ سامان
گرفتار ملزمان سے فریج، اے سی، واٹر کولر، نقدی، دیگر سامان و چوری شدہ رکشہ برآمد کر لیا گیا۔ ملزمان احمد اور شکیل اب تک لاکھوں روپے مالیت کا سامان چوری کرکے فروخت کر چکے ہیں۔
