انڈین آرمی چیف کا یہ بیان کہ ہم نے آپریشن سندور کے دوران ایک ٹریلر دکھایا خود فریبی کی حامل سوچ کا عکاس ہے: ڈی جی آئی ایس پی آر

بھارت کے بارے میں گفتگو

راولپنڈی (ڈیلی پاکستان آن لائن) بھارت کے حوالے سے گفتگو کرتے ہوئے، ڈی جی آئی ایس پی آر لیفٹیننٹ جنرل احمد شریف چوہدری نے کہا کہ ہندوستان میں خود فریبی کی سوچ رکھنے والی قیادت کی اجارہ داری ہے۔ انڈین آرمی چیف کا یہ بیان کہ ہم نے آپریشن سندور کے دوران ایک ٹریلر دکھایا، خود فریبی کی حامل سوچ کا عکاس ہے۔ اس ٹریلر میں 7 جہاز گریں، 26 مقامات پر حملہ ہوا، اور ایس-400 کی بیٹریاں تباہ ہوئیں، تو ایسے ٹریلر پر مبنی فلم ان کے لئے ایک ڈراؤنی فلم بن جائے گی۔

یہ بھی پڑھیں: سلمان نے ایشوریا کا کندھا فریکچر کیا، مجھے ملازم نے بچایا، سابقہ گرل فرینڈ سومی علی نے الزام لگا دیا

جھوٹے بیانات اور ردعمل

انہوں نے کہا کہ آپریشن سندور میں ہوئی شکست پر بار بار کے جھوٹے ہندوستانی بیانات عوامی غم و غصے کو تحلیل کرنے کے لئے ہیں۔ کوئی بھی ملک اگر افغان طالبان رجیم کو فوجی ساز و سامان مہیا کرتا ہے تو یہ دہشتگردوں کے ہاتھ ہی لگے گا۔

یہ بھی پڑھیں: محرم الحرام، مذہبی رواداری اور پیغام پاکستان

سوشل میڈیا کا زہریلا بیانیہ

ڈی جی آئی ایس پی آر نے کہا کہ ریاست پاکستان اور اس کے اداروں کے خلاف زہریلا بیانیہ بنانے والے سوشل میڈیا اکاؤنٹس بیرون ملک سے چلتے ہیں۔ پاکستان سے باہر بیٹھ کر یہاں کی سیاست اور دیگر معاملات میں زہر ڈالنے کی کوشش کی جاتی ہے۔ بیرون ملک سے آپریٹ ہونے والے سوشل میڈیا کے یہ اکاؤنٹس لمحہ بہ لمحہ پاکستان کے خلاف بیانیہ بنانے میں مصروف ہیں۔ یہ بات واضح ہے کہ جو سوشل میڈیا پاکستان میں چل رہا ہے، درحقیقت اس کے پیچھے بیرونی ہاتھ ہیں۔

دہشت گردی کے خلاف نیشنل ایکشن پلان

ڈی جی آئی ایس پی آر کا کہنا تھا کہ دہشت گردی پر تمام حکومتوں اور سیاسی پارٹیوں کا اتفاق ہے کہ اس کا حل نیشنل ایکشن پلان میں ہے۔ اس پلان کو عملی جامہ پہنانے کے لئے بلوچستان میں ایک مربوط نظام وضع کیا گیا جبکہ صوبہ خیبر پختونخواہ میں اس کی کمی نظر آتی ہے۔