فلسطینیوں کی ہمت اورغیرمتزلزل حوصلے نے تاریخ میں نیا باب رقم کیا : وزیر اعلیٰ مریم نواز

وزیراعلیٰ مریم نواز کا پیغام

لاہور (ڈیلی پاکستان آن لائن) وزیراعلیٰ پنجاب مریم نواز نے عالمی یوم یکجہتی فلسطین کے موقع پر اپنے پیغام میں کہا ہے کہ حکومت اور پاکستانی عوام پختہ عزم اور یکجہتی کے ساتھ فلسطینی عوام کے شانہ بشانہ ہیں۔ فلسطینی عوام دہائیوں سے حق خودارادیت کے لئے جدوجہد کر رہے ہیں - فلسطینیوں کی ہمت اور غیر متزلزل حوصلے نے تاریخ میں نیا باب رقم کیا ہے - فلسطینی عوام کی جرأت، بہادری اور عزم کو سراہتے ہیں -

یہ بھی پڑھیں: محکمہ موسمیات نے پنجاب کے میدانی علاقوں میں دھند کی پیشگوئی کردی

پاکستان کا فلسطینی عوام کے حق خودارادیت کی حمایت

وزیراعلیٰ مریم نواز نے کہا کہ پاکستان فلسطینی عوام کے حق خودارادیت کی سفارتی، اخلاقی اور سیاسی حمایت جاری رکھے گا - آج کے دن اور ہمیشہ کے لیے ہم فلسطینی عوام کے ساتھ اظہار یکجہتی کرتے ہیں - امن معاہدے میں پاکستان نے مثبت اور تعمیری کردار ادا کیا ہے - فلسطینی شہریوں کو خوراک، علاج، صاف پانی، رہائش اور سلامتی جیسے بنیادی انسانی حقوق تک بھی رسائی حاصل نہیں۔

عالمی برادری کی ذمہ داریاں

وزیراعلیٰ مریم نواز نے کہا کہ عالمی برادری بین الاقوامی قانون کے مطابق ذمہ داریاں پوری کرے - فلسطینی عوام کے لیے پائیدار امن اور انصاف یقینی بنانے کے لیے فوری عملی اقدامات کی ضرورت ہے۔