600 فارم 45 کی کتاب تیار، اصلی نتیجہ ہمارے پاس ہے: پی ٹی آئی رہنما تیمور سلیم جھگڑا کا دعویٰ

تیمور سلیم جھگڑا کا دعویٰ

اسلام آباد (ڈیلی پاکستان آن لائن) پی ٹی آئی رہنما تیمور سلیم جھگڑا نے دعویٰ کیا ہے کہ 600 فارم 45 کی کتاب تیار ہے، اصلی نتیجہ ہمارے پاس ہے۔

یہ بھی پڑھیں: سنبھل کی مسجد کے نیچے مندر کا دعویٰ: کیا یہ ہماری 500 سال پرانی جامع مسجد پر قبضہ کرنے کی کوشش ہے؟

ووٹوں کی تفصیلات

تفصیلات کے مطابق رہنما تیمور سلیم جھگڑا نے دعویٰ کیا ہے کہ 1 لاکھ 49 ہزار 782 ووٹ شہرناز عمر ایوب کو ملے، جبکہ 1 لاکھ 24 ہزار 686 ووٹ بابر نواز کو ملے، ہم نے ہری پوری میں 25 ہزار ووٹ کی لیڈ لی ہے۔

یہ بھی پڑھیں: یوٹیوبر سعید الرحمان المعروف ڈکی بھائی کے جسمانی ریمانڈ میں مزید 4 روز کی توسیع

پریس کانفرنس میں بے باکی سے بات چیت

اسلام آباد میں پریس کانفرنس کرتے ہوئے تیمور سلیم جھگڑا نے کہا کہ 600 فارم 45 کی ایک کتاب ہم نے تیار کی ہے، اصلی نتیجہ ہمارے پاس ہے۔ ریاست میں وزیرِ اعلیٰ کی وزیرِ اعظم کے بعد دوسری بڑی پوزیشن ہے، 2 روز پہلے وزیرِ اعلیٰ کے پی کو ملنے نہیں دیا گیا۔ جو کچھ 8 فروری 2024ء کو ہوا، وہی کچھ ہری پور کے 2025ء کے ضمنی الیکشن میں ہوا، جب تک قانون کی حکمرانی نہیں ہو گی، کوئی کیسے سرمایہ کاری کر سکتا ہے؟

الیکشن کمیشن کی کارکردگی

’’جنگ‘‘ کے مطابق پی ٹی آئی رہنما نے کہا کہ الیکشن کمیشن نے اب تک صرف ایک کاغذ فارم 47 ریلیز کیا ہے، الیکشن کے نام پر کیوں اربوں روپے ضائع کیے جا رہے ہیں۔ پی ٹی آئی لاہور میں کوئی انتخابی مہم نہیں چلا سکی۔ مسلم لیگ (ن) اور کیپٹن (ر) صفدر اپنی مرضی سے مہم چلا رہے تھے، ڈی آر او الیکشن کمیشن کے ملازمین تھے۔