مستقبل کے حوالے سے تبصروں کے بجائے اپنی فٹنس اور پرفارمنس پر توجہ دیں، بھارتی بورڈ کا روہت شرما کو واضح پیغام

بھارتی کرکٹ بورڈ کا روہت شرما کو پیغام

ممبئی(ڈیلی پاکستان آن لائن)بھارتی کرکٹ بورڈ نے سابق کپتان اور جارح مزاج بیٹر روہت شرما کو پیغام دیا ہے کہ وہ اپنے مستقبل کے حوالے سے ہونے والی چہ مگوئیوں پر تبصروں کے بجائے فٹنس اور پرفارمنس پر توجہ مرکوز رکھیں۔

یہ بھی پڑھیں: بھارتی ڈرون حملے میں شہید ہونیوالے 8 بہنوں کے اکلوتے بھائی کی دردناک کہانی

فٹنس اور پرفارمنس پر توجہ مرکوز رکھنے کی ہدایت

ٹائمز آف انڈیا کی رپورٹ کے مطابق بی سی سی آئی کی جانب سے روہت شرما کو کہا گیا ہے کہ اپنے مستقبل کے حوالے سے ہونے والی چہ مگوئیوں پر تبصرے کے بجائے اپنی فٹنس اور پرفارمنس پر توجہ مرکوز رکھیں۔

روہت شرما کی جارحانہ کھیلنے کی توقعات

بی سی سی آئی ذرائع کا کہنا ہے کہ بھارتی بورڈ روہت شرما سے ان کے قدرتی جارحانہ کھیل کی توقع کرتا ہے جو کہ آسٹریلیا کے خلاف سیریز میں نہیں دیکھا گیا تھا۔ بھارتی میڈیا نے بی سی سی آئی ذرائع کے حوالے سے کہا کہ یہ بات درست ہے کہ آسٹریلیا میں کنڈیشنز مشکل تھیں لیکن دیکھا گیا کہ روہت شرما رسک لینے سے کتراتے رہے۔ روہت اور کوہلی سے یہ توقع کی جاتی ہے کہ دونوں اپنی بیٹنگ سے دیگر نوجوانوں بیٹرز کے لیے آسانیاں پیدا کریں۔