جنوبی افریقی کرکٹر فاف ڈو پلیسی نے آئی پی ایل کے بجائے پی ایس ایل کھیلنے کا فیصلہ کر لیا

فاف ڈو پلیسی کا نیا چیلنج

لاہور(ڈیلی پاکستان آن لائن)جنوبی افریقہ کے سابق کپتان فاف ڈو پلیسی نے بھارتی لیگ آئی پی ایل کے بجائے پاکستان سپر لیگ (پی ایس ایل)کھیلنےکا فیصلہ کرلیا۔ سوشل میڈیا پر جاری بیان میں فاف ڈو پلیسی نے آئی پی ایل میں شرکت نہ کرنےکا اعلان کیا۔

یہ بھی پڑھیں: ہم نے مذاکراتی کمیٹی بنا دی، اب حکومت بھی سنجیدگی کا مظاہرہ کرے: شاہ محمود قریشی

آئی پی ایل سے علیحدگی

فاف ڈو پلیسی نے نئے چیلنج کے طور پر پاکستان سپر لیگ میں کھیلنےکا فیصلہ کیا ہے۔سابق جنوبی افریقی کپتان کا کہنا تھا کہ انہوں نے 14 سیزن کے بعد آئی پی ایل نیلامی میں اپنا نام نہ دینےکا فیصلہ کیا ہے۔ فاف ڈو پلیسی کا کہنا تھا کہ بھارت نے بہت یادیں، تجربات اور عزت دی، یہ الوداع نہیں ہے میں پھر آؤں گا۔

یہ بھی پڑھیں: فلم کی شوٹنگ کے دوران اکشے کمار زخمی ہو گئے

پی ایس ایل کا انتخاب

پی ایس ایل سے متعلق فاف ڈو پلیسی کا کہنا تھا کہ اس سال میں نے ایک نیا چیلنج لینےکا فیصلہ کیا ہے، میں آنے والے پی ایس ایل سیزن میں کھیلوں گا۔ فاف ڈو پلیسی کا کہنا تھا کہ یہ میرے لیے ایک پرجوش اور نیا قدم ہے، میرے لیے کچھ نیا کرنے اور ایک کھلاڑی کے طور پر ترقی کرنےکا موقع ہے، پی ایس ایل بے پناہ صلاحیت اور توانائی سے بھرپور ہے۔

نئے تجربے کا انتظار

انہوں نے مزید کہا کہ میں نئے ملک، نئے ماحول اور نئی لیگ کا تجربہ کرنےکے لیے پرجوش ہوں، پاکستان کی مہمان نوازی کے لیے بھی پرجوش ہوں، جلد ملاقات ہوگی۔ خیال رہےکہ 41 سالہ جنوبی افریقی بلے باز فاف ڈوپلیسی نے آئی پی ایل کا آخری سیزن دہلی کیپیٹلز کی جانب سے کھیلا تھا، جہاں انہیں 2 کروڑ بھارتی روپے میں خریدا گیا تھا۔ اس سے قبل وہ کوئٹہ گلادی ایٹرز اور پشاور زلمی کی جانب سے پی ایس ایل کھیل چکے ہیں۔