دیوار سے نہ لگایا جائے، ہمیں جینے نہیں دیں گے تو آپ کو بھی جینے نہیں دیں گے، اسد قیصر کا صوابی جلسے میں کارکنوں سے خطاب

اسد قیصر کا سامنا چیلنجز

اسلام آباد(ڈیلی پاکستان آن لائن)پاکستان تحریک انصاف کے رہنما اسد قیصر نے کہا ہے کہ ہمیں دیوار سے نہ لگایا جائے، ہمیں جینے نہیں دیں گے تو آپ کو بھی جینے نہیں دیں گے۔صوابی میں کارکنوں سے خطاب کرتے ہوئے اسدقیصر کا کہنا تھا کہ بانی پی ٹی آئی سے ملاقات ہمارا آئینی و قانونی حق ہے۔

یہ بھی پڑھیں: ملکی، غیر ملکی خریداروں سے بروقت رابطے نہ ہونے سے صنعتکاروں کو بھاری مالی نقصان کا سامنا ہے، احمد عظیم علوی

دہشتگردی کے مسائل

انہوں نے کہا کہ ہمیں دیوار سے لگایا جا رہا ہے ہم نے افغان جنگ کے بہت نقصانات اُٹھائے اور ابھی تک افغان جنگ کا خمیازہ بھگت رہے ہیں لیکن افسوس کی بات ہے کہ وفاق نے کبھی ہماری قربانیوں کو تسلیم نہیں کیا، وفاق نے ہمیشہ ہمارے صوبے کے ساتھ سوتیلی ماں جیسا سلوک کیا ہے۔

یہ بھی پڑھیں: محمد رضوان کو کپتانی سے ہٹائے جانے کو فلسطین حمایت سے جوڑنا کسی ٹھوس ثبوت پر مبنی نہیں تھا، راشد لطیف نے اپنے تمام متنازع بیانات پر غیرمشروط طور پر معافی مانگ لی۔

افغانستان اور پاکستان کے تعلقات

انہوں نے مزید کہا کہ اگر افغانستان اور پاکستان سمجھتے ہیں کہ ایک دوسرے کے بغیر گزارا کرسکتے ہیں تو یہ دونوں ممالک کی غلط فہمی ہے، پاکستان، افغانستان اور ایران برادر مسلم ممالک ہیں، ہمیں اپنے معاملات مذاکرات کے ذریعے حل کرنی چاہیے۔

امن کی کوششیں

ان کا کہنا تھا کہ قطر، ترکیہ اور دیگر ممالک امن کے لیے اپنی کوششیں جاری رکھیں، ہمارا پڑوسی ملک کے ساتھ جو تنازع ہے، اس کو ختم کرنے اور امن لانے میں سعودی عرب اور چین بھی اپنا کردار ادا کریں۔