ایئر بس طیاروں کا سافٹ ویئر فوری اپ ڈیٹ کرنے سے متعلق قومی ایئر لائن نے وضاحت جاری کردی

کراچی میں پی آئی اے کی وضاحت

کراچی (ویب ڈیسک) قومی ائیرلائن پی آئی اے نے یورپی طیارہ ساز کمپنی ائربس کی جانب سے اے 320 طیاروں کے سافٹ ویئر فوری طور پر اپ ڈیٹ کرنے کے فیصلے سے متعلق وضاحت جاری کردی۔ خیال رہے کہ ائربس نے اے 320 طیاروں کا سافٹ ویئر فوری طور پر اپ ڈیٹ کرنے کا فیصلہ کیا ہے جس کے باعث دنیا بھر میں 6 ہزار طیارے متاثر ہوسکتے ہیں اور پروازوں میں تاخیر ہوسکتی ہے۔

یہ بھی پڑھیں: ای ڈی سی آر سے میرا کوئی تعلق نہیں، اگر اس کے خلاف شکایت درست ہوئی تو سزا ہوگی: خواجہ آصف

دنیا بھر کی ایئرلائنز کا ردعمل

کمپنی کی جانب سے سافٹ ویئر اپ ڈیٹ کے فیصلے کے بعد امریکن ائیر لائنز، ڈیلٹا ائیر لائنز، ائیر نیوزی لینڈ اور ترکش ائیرلائنز سمیت کئی کمپنیوں نے پروازوں میں خلل کا انتباہ جاری کیا ہے۔

پی آئی اے کی سلامتی کی ضمانت

اس حوالے سے قومی ائیرلائن پی آئی اے نے جاری بیان میں کہا ہے کہ ائربس طیاروں کے فلائٹ کنٹرول سافٹ ویئر ELAC-L104 سے متعلق مسئلے کے بارے میں یہ وضاحت کی جاتی ہے کہ پی آئی اے نے یہ خراب سافٹ ویئر پیچ انسٹال ہی نہیں کیا، اسی لیے ہمارے تمام طیارے مکمل طور پر محفوظ ہیں اور پروازوں میں کسی قسم کی رکاوٹ نہیں ہوگی۔