خیبرپختونخوا میں گورنر راج سے متعلق معاملہ زیر غور ہے، وزیر مملکت برائے قانون بیرسٹر عقیل ملک

خیبرپختونخوا میں گورنر راج کا امکان

اسلام آباد(ڈیلی پاکستان آن لائن) وزیر مملکت برائے قانون بیرسٹر عقیل ملک کا کہنا ہے کہ خیبرپختونخوا میں گورنر راج سے متعلق معاملہ زیر غور ہے۔ جیو نیوز کے پروگرام نیاپاکستان میں گفتگو کرتے ہوئے بیرسٹر عقیل ملک نے کہا کہ داعش اور سرحد کی صورتحال کو دیکھتے ہوئے گورنر راج لگانے پر غور کیا جارہا ہے۔

یہ بھی پڑھیں: حمائمہ ملک نے ایک فلمی ڈائیلاگ پر اپنی غلطی تسلیم کرلی، مفتی طارق مسعود

صوبے کی موجودہ صورتحال

ان کا کہنا تھا کہ خیبر پختونخوا کی صورتحال سب کے سامنے ہے۔ خیبر پختونخوا میں ایسا انتظامی ڈھانچہ ہونا چاہئے جو کچھ فائدہ دے۔ کب تک صوبے کے شہریوں کو بے یار و مددگار چھوڑیں گے؟

گورنر راج کی ضرورت

بیرسٹر عقیل ملک کا مزید کہنا تھا کہ گورنر راج شدید ضرورت کی صورت میں لگایا جاتا ہے۔ صوبے کے حالات اس کا تقاضا کر رہے ہیں۔ ماضی میں پنجاب میں بھی گورنر راج لگانے کا تجربہ کیا جا چکا ہے۔