وزیر خارجہ اسحاق ڈار کی چینی سفیر سے ملاقات

ملاقات کی تفصیلات

اسلام آباد ( ڈیلی پاکستان آن لائن ) نائب وزیرِ اعظم و وزیرِ خارجہ اسحاق ڈار سے پاکستان میں متعین چینی سفیر جیانگ ژی ڈونگ نے وفاقی دارالحکومت میں ملاقات کی ہے۔

یہ بھی پڑھیں: توشہ خانہ ٹو کیس: وکلا اور فیملی ممبران کو سماعت میں آنے کی اجازت

تعزیت اور افسوس کا اظہار

ترجمان دفترِ خارجہ کے مطابق اسحاق ڈار نے تاجکستان میں 3 چینی شہریوں کی ہلاکت پر اظہارِ تعزیت کیا ہے۔ نائب وزیراعظم و وزیر خارجہ اسحاق ڈار نے چینی سفیر سے ہانگ کانگ میں آتشزدگی سے جانی نقصان پر بھی افسوس کا اظہار کیا اور کہا کہ پاکستان ہر مشکل گھڑی میں چین کے ساتھ کھڑا ہے۔

پاک، چین تعلقات پر گفتگو

’’جنگ ‘‘ کے مطابق ترجمان دفتر خارجہ نے بتایا ہے کہ ملاقات میں پاک، چین تعلقات اور مختلف شعبوں میں تعاون پر بھی تبادلۂ خیال کیا گیا جبکہ خطے اور عالمی صورتِ حال پر گفتگو بھی ہوئی۔