میں نے پاکستان اور بھارت کے درمیان جنگ روک دی، امید ہے روس یوکرین جنگ بھی جلد ختم ہو جائے گی، ڈونلڈ ٹرمپ

ٹرمپ کا کابینہ اجلاس میں بیان

لاہور(ڈیلی پاکستان آن لائن) امریکی صدر ڈونلڈ ٹرمپ نے کابینہ کے اجلاس میں گفتگو کرتے ہوئے کہا کہ امریکہ تیزی سے ترقی کررہا ہے۔ 10 ماہ میں 18 ٹریلین کی سرمایہ کاری ہوئی ہے۔

یہ بھی پڑھیں: ایرانی میزائل حملے سے متاثرہ اسرائیلی شہر بات یام کے علاقوں کی بحالی میں تقریباً 5 سال کا وقت لگے گا

معاشی صورتحال

ٹرمپ نے مزید کہا کہ امریکہ میں مہنگائی کم ہوئی ہے اور سٹاک مارکیٹ میں تیزی آئی ہے۔ ملک کی تاریخ کی بدترین مہنگائی وراثت میں ملی اور وہ پٹرول کی قیمت کو 2 ڈالر فی گیلن تک لے جا سکتے ہیں۔ ہم نے دوائیوں کی قیمتوں میں ریکارڈ کمی کی ہے اور میری ٹیم نے 800 فیصد تک ادویات کی قیمتیں کم کروائیں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

جنگوں کا خاتمہ

انہوں نے کہا کہ میں نے 9 ماہ میں 8 جنگیں روکوائیں ہیں، اور اب صرف ایک جنگ رہ گئی ہے۔ میں نے پاکستان اور بھارت کے درمیان جنگ رکوانے میں بھی کردار ادا کیا۔ امید ہے کہ روس یوکرین جنگ بھی جلد رک جائے گی۔ ہم نے محکمہ دفاع کا نام بدل کر محکمہ جنگ رکھا ہے۔

یہ بھی پڑھیں: پاک فضائیہ نے بھارت کا ایک اور رافیل طیارہ گرادیا، کل تعداد 3 ہوگئی

نوبل انعام کی توقعات

جب بھی میں کوئی جنگ ختم کرتا ہوں، لوگ کہتے ہیں کہ مجھے نوبل انعام ملے گا۔ اب لوگ کہتے ہیں کہ اگر میں نے روس-یوکرین جنگ ختم کرا دی تو مجھے نوبل انعام ملے گا۔ میں ان معاملات میں لالچی نہیں بننا چاہتا۔

روس-یوکرین جنگ کی پیچیدگیاں

انہوں نے مزید کہا کہ روس-یوکرین جنگ 9ویں جنگ ہوگی جو میں رکواؤں گا۔ اس جنگ کی صورتحال آسان نہیں ہے اور اس میں بہت سی پیچیدگیاں ہیں۔ گذشتہ ماہ اس جنگ میں 27 ہزار لوگ مارے گئے۔ ریاست لوزیانا اور نیوآورلینز میں نیشنل گارڈز تعینات کیے جائیں گے۔