وزیراعلیٰ پنجاب امام مسجد صاحب کے لیے اعزازیہ کارڈ کی منظوری
وزیراعلیٰ پنجاب کی نئی پہل
لاہور(ڈیلی پاکستان آن لائن): “وزیراعلیٰ پنجاب اعزازیہ کارڈ برائے امام مسجد صاحب“ کی منظوری دے دی گئی۔
یہ بھی پڑھیں: اسرائیل اور ایران دونوں نے سیز فائر کی خلاف ورزی کی ہے: ڈونلڈ ٹرمپ
اجلاس کی تفصیلات
نجی ٹی وی چینل دنیا نیوز کے مطابق، وزیراعلیٰ پنجاب مریم نواز شریف کی زیر صدارت اجلاس میں اہم فیصلے کئے گئے۔ فروری 2026ء تک اعزازیہ کارڈ کے اجراء کی ڈیڈ لائن مقرر کر دی گئی، یکم جنوری سے ادائیگی ہوگی، اور پہلی مرتبہ پے آرڈر دیئے جائیں گے۔
یہ بھی پڑھیں: چکوال میں دھرابی کے مقام پر بنایا گیا چھوٹا ڈیم ٹوٹ گیا
ادائیگی کا نظام
یکم فروری سے ”وزیراعلیٰ پنجاب اعزازیہ کارڈ برائے امام مسجد صاحب“ کے ذریعے ادائیگی کی جائے گی۔
یہ بھی پڑھیں: پشاور میں گھریلو جھگڑے پر ملزم نے فائرنگ کر کے والد اور بیوی کو قتل کردیا
رجسٹریشن اور اخلاقی ضوابط
وزیراعلیٰ پنجاب نے ہدایت کی ہے کہ آئمہ کرام کی رجسٹریشن کا عمل مسلسل جاری رکھا جائے۔ پنجاب بھر میں آئمہ کرام کے 62994 رجسٹریشن فارم وصول ہو چکے ہیں جبکہ تصدیق کا عمل جاری ہے۔ ملک و قوم کے مفادات کے خلاف اور اخلاقی یا مالی جرائم میں ملوث امام مسجد کا اعزازیہ بند کر دیا جائے گا۔
یہ بھی پڑھیں: سندھ میں ممتا پروگرام کی رقم 30 ہزار روپے سے بڑھا کر 41 ہزار روپے کر دی گئی
مسجد اور تحصیل مینجمنٹ کمیٹیاں
صوبے بھر میں مسجد مینجمنٹ کمیٹیاں اور تحصیل مینجمنٹ کمیٹیاں بھی قائم کر دی گئی ہیں۔
یہ بھی پڑھیں: اسٹیٹ بینک نے شہریوں کو مالیاتی فراڈ سے خبردار کردیا
اسسٹنٹ کمشنروں کی ہدایات
وزیراعلیٰ پنجاب مریم نواز شریف نے اسسٹنٹ کمشنرز کو ہر ماہ آئمہ کرام کو مدعو کر کے میٹنگ کی ہدایت کر دی جبکہ حساس ایریا میں مسلسل کومبنگ آپریشن جاری رکھنے کی ہدایت بھی کی۔
یہ بھی پڑھیں: ریلیف آپریشن میں کتنی این جی اوز شریک ہیں؟ امدادی سرگرمیوں کے بارے میں اہم تفصیلات سامنے آ گئیں۔
قانون سازی کی ضرورت
اجلاس میں سیف سٹی کیمروں اور سرکاری املاک کو نقصان پہنچانے پر سخت کارروائی کے لئے قانون سازی کا فیصلہ کیا گیا۔
جرائم پیشہ افراد کی نگرانی
وزیراعلیٰ مریم نواز شریف نے فورتھ شیڈول جرائم پیشہ افراد کی ڈیجیٹل نگرانی کے لئے ضروری اقدامات کی ہدایت کی اور غیر قانونی طور پر مقیم افغانوں کے خلاف آپریشن مسلسل جاری رکھنے کا حکم بھی دیا۔
