سبی میں زلزلے کے جھٹکے، شہری شدید خوف و ہراس کا شکار

سبی میں زلزلے کے جھٹکے

سبی(ڈیلی پاکستان آن لائن) سبی میں زلزلے کے جھٹکے محسوس کیے گئے جن کے باعث شہری شدید خوف و ہراس کا شکار ہوگئے۔

یہ بھی پڑھیں: لاہور سمیت پانچ بڑے شہروں کیلئے الیکٹرک بسوں کی خریداری آخری مراحل میں داخل

زلزلے کی شدت اور گہرائی

نجی ٹی وی چینل دنیا نیوز کے مطابق زلزلہ پیما مرکز کا کہنا ہے کہ ریکٹر سکیل پر زلزلے کی شدت 4 اور گہرائی 10 کلومیٹر ریکارڈ کی گئی، زلزلے کا مرکز سبی سے 50 کلومیٹر جنوب مغرب میں تھا۔

یہ بھی پڑھیں: قومی ٹیم کی سلیکشن میں میرا کوئی کردار نہیں، کسی بھی کرکٹر کی پرفارمنس ایسی نہیں تھی کے اسے اے کیٹیگری میں رکھا جاتا، محسن نقوی

متواتر زلزلے

خیال رہے کہ بلوچستان کے علاقے سبی میں حالیہ کچھ دنوں میں بار بار زلزلے کے جھٹکے محسوس کیے جا رہے ہیں، جمعرات کے روز بھی سبی میں زلزے کے جھٹکے محسوس کیے گئے جن کی شدت 3 اور گہرائی 15 کلو میٹر ریکارڈ کی گئی، زلزلے کا مرکز سبی سے 40 کلومیٹر جنوب مغرب میں تھا۔

پچھلے زلزلے کی معلومات

اس سے کچھ روز قبل بھی ضلع سبی اور اطراف میں زلزلے کے جھٹکے محسوس کیے گئے تھے جن کی شدت 3.1 ریکارڈ کی گئی، زلزلے کی زیر زمین گہرائی 10 کلومیٹر جبکہ مرکز سبی سے 60 کلو میٹر دور شمال مشرق میں تھا。