گورنر پنجاب کی جانب سے شارٹ نوٹس پر بلایا گیا پنجاب اسمبلی کا اجلاس کورم پورا نہ ہونے کے باعث ملتوی

اجلاس کی ملتوی ہونے کی وجوہات

لاہور (ڈیلی پاکستان آن لائن) گورنر پنجاب سردار سلیم حیدر خان کی جانب سے پنجاب اسمبلی کا شارٹ نوٹس پر بلایا گیا اجلاس کورم پورا نہ ہونے کے باعث ملتوی کر دیا گیا۔ اجلاس کے آغاز میں ہی اپوزیشن رکن نے کورم کی نشاندہی کی۔

یہ بھی پڑھیں: انسٹا پر 14 ملین فالورز رکھنے والی ایشوریا کس ایک شخصیت کو فالو کرتی ہیں؟

اجلاس کی تاخیر

پنجاب اسمبلی کا اجلاس ایک گھنٹہ 19 منٹ کی تاخیر سے اسپیکر ملک محمد احمد خان کی صدارت میں شروع ہوا۔ اپوزیشن رکن رانا آفتاب نے اجلاس شارٹ نوٹس پر بلائے جانے پر تشویش کا اظہار کیا۔ اس پر اسپیکر پنجاب اسمبلی ملک محمد احمد خان نے کہا کہ اجلاس اتنے شارٹ نوٹس پر بلایا گیا کہ بہت سے ممبرز دور دراز سے وقت پر پہنچ ہی نہیں سکے۔ کم از کم دو سے تین دن پہلے اطلاع دی جانی چاہیے تھی۔

کورم کی نشاندہی اور ملتوی ہونے کا فیصلہ

اسی دوران اپوزیشن رکن اعجاز شفیع نے کورم کی نشاندہی کر دی۔ اسپیکر نے کورم پورا کرنے کے لیے 5 منٹ تک گھنٹیاں بجانے کی ہدایت کی، مگر گھنٹیاں بجتی رہیں، کورم پھر بھی پورا نہ ہو سکا۔ کورم پورا نہ ہونے پر اسپیکر نے اجلاس جمعرات صبح 11 بجے تک ملتوی کر دیا۔