کراچی میں بھتہ خوری کے کیسز نہ ہونے کے برابر رہ گئے ہیں : آئی جی سندھ

کراچی میں بھتہ خوری کی صورتحال

کراچی (ڈیلی پاکستان آن لائن) آئی جی سندھ غلام نبی میمن نے دعویٰ کیا ہے کہ کراچی میں بھتہ خوری کے کیسز نہ ہونے کے برابر ہیں۔

یہ بھی پڑھیں: الیکشن کمیشن نے عادل خان بازئی کو ڈی سیٹ کر دیا

آئی جی سندھ کا بیان

’’جیو نیوز‘‘ کے مطابق کراچی میں میڈیا سے گفتگو کرتے ہوئے آئی جی سندھ نے کہا کہ کراچی میں بھتہ خوری کے بہت کیسز رپورٹ ہوتے تھے، بھتہ خوری سے نمٹنے کے لیے بنائے گئے یونٹ سی آئی اے کی کارروائیوں سے کیسز نہ ہونے کے برابر رہ گئے ہیں۔ پولیس بھتہ خوری کے واقعات میں ترجیحی بنیاد پر کارروائی کرتی ہے، متعدد بھتہ خور مقابلوں میں مارے گئے یا پکڑے گئے۔

بھتہ خوری کے واقعات کا تجزیہ

آئی جی سندھ نے بتایا کہ رواں برس رپورٹ ہونے والے 140 کے قریب بھتہ خوری کے واقعات میں سے آدھے سے زیادہ کیسز بھتے کے نہیں بلکہ آپسی لین دین کے تھے۔ منشیات فروشوں کی ضمانت میں پولیس کے کردار کا بھی جائزہ لے رہے ہیں۔