الیکشن کمیشن کی اراکین پارلیمنٹ کو 31 دسمبر تک مالی گوشوارے جمع کرانے کی ہدایت
الیکشن کمیشن کی ہدایت
اسلام آباد(ڈیلی پاکستان آن لائن) الیکشن کمیشن نے اراکین پارلیمنٹ کو مالی سال برائے 25-2024 کے گوشوارے 31 دسمبر تک جمع کرانے کی ہدایت کر دی۔
یہ بھی پڑھیں: کیا موٹرز کے پلانٹ سے 900 کار انجن چوری
گوشواروں کی جمع کرانے کی تاریخ
ترجمان کا کہنا ہے کہ اراکین پارلیمنٹ و صوبائی اسمبلی ممبران کے گوشوارے برائے مالی سال 25-2024 جمع کروانے کی حتمی تاریخ 31 دسمبر 2025 ہے۔ الیکشن ایکٹ 2017 کی دفعہ 137 کے تحت تمام اراکین پارلیمنٹ و صوبائی اسمبلی کے ممبران کے لئے گوشوارے جمع کرانا لازم ہے۔ ممبران اپنے بشمول شریک حیات و زیر کفالت بچوں کے اثاثوں اور واجبات کے گوشوارے الیکشن کمیشن کے پاس جمع کروا دیں۔ سیکشن 137 کی ذیلی شق 2 کے تحت کمیشن مقررہ تاریخ تک مطلوبہ گوشوارے جمع نہ کروانے والوں کے نام شائع کرے گا۔
رکنیت کی معطلی
ترجمان نے کہا کہ کمیشن 15 جنوری تک مذکورہ گوشوارے جمع نہ کروانے والے اراکین پارلیمنٹ و صوبائی اسمبلیوں کے ممبران کی رکنیت معطل کر دے گا۔ مذکورہ گوشوارے جمع نہ کروانے تک ممبران پارلیمنٹ و اسمبلی کی کسی بھی کارروائی میں حصہ نہیں لے سکیں گے۔ کمیشن گوشواروں میں غلط معلومات فراہم کرنے والے ممبر کے خلاف کارروائی کرے گا۔ ممبران اسمبلی فارم بی الیکشن کمیشن دفاتر، سینیٹ سیکرٹریٹ، قومی و صوبائی اسمبلیوں کے سیکرٹریٹ سے حاصل کر سکتے ہیں۔
