سکول ٹیچر کا بہیمانہ قتل، سپاری دینے والی خاتون سمیت دو ملزمان گرفتار

بھارت میں سکول ٹیچر کا قتل

نئی دہلی (ویب ڈیسک) بھارت میں ارریہ پولیس نے سکول ٹیچر شیوانی قتل کیس میں ایک اہم پیش رفت سامنے لاتے ہوئے خاتون سمیت دو ملزمان کو حراست میں لے لیا ہے۔

یہ بھی پڑھیں: ترکیہ پر ایرانی میزائل حملے کے الزام کی تحقیقات کے لیے تیار ہیں، ایرانی صدر کی ترک ہم منصب سے گفتگو

قتل کی وجوہات

بھارتی میڈیا رپورٹس کے مطابق خاتون نے کسی اور ٹیچر کو مارنے کے لیے شوٹروں کو سوپاری دی تھی لیکن غلط فہمی میں ٹیچر شیوانی کو قتل کر دیا گیا۔رپورٹس کے مطابق پولیس کا کہنا ہے کہ سکول ٹیچر شیوانی ورما کے قتل کیس میں کئی اہم انکشافات سامنے آئے ہیں۔

یہ بھی پڑھیں: عالمی مارکیٹ میں سونے کی قیمت میں اضافہ، فی اونس 3 ہزار 500 ڈالر پر پہنچ گئی

سیکیورٹی کیمرے کی فوٹیج کی جانچ

سی سی ٹی وی فوٹیج کی جانچ کے بعد دو ملزمان کو شناخت کرلیا گیا ہے، دونوں حراست میں ہیں، پوچھ گچھ کے دوران دونوں نے اعتراف کیا ہے کہ انہوں نے 3 دسمبر کو ٹیچر کو گولی مار کر قتل کیا تھا۔ملزمان کو کسی اور ٹیچر کا قتل کرنا تھا۔ وہ بھوانی پور پرائمری سکول میں ٹیچر ہے۔

یہ بھی پڑھیں: پنجاب اسمبلی میں دی پنجاب ہائر ایجوکیشن کمیشن (ترمیمی) بل 2025 منظور کر لیا گیا

سازش کی تفصیلات

پولیس کے مطابق فوربس گنج میں الیکٹرانکس کی دکان کے مالک کی بیوی کو اپنے شوہر پر ٹیچر کے ساتھ ناجائز تعلقات کا شبہ تھا۔ اس نے خاتون ٹیچر کو ختم کرنے کے لیے راجہ نامی مجرم کی خدمات حاصل کی تھیں۔ایس پی نے وضاحت کی کہ جس خاتون ٹیچر کو مارنے کی سوپاری دی گئی تھی وہ بھی اسی راستے پر سکوٹر پر سفر کرتی تھی۔ قاتلوں کو ٹیچر کو قتل کرنے کے لیے لوکیشن دی گئی تھی۔

یہ بھی پڑھیں: پاکستان کے ہر ادارے کو چاہیے ملک و قوم کی خاطر اپنا کردار ادا کرے اور سب کو یہ کرنا پڑے گا،چودھری پرویزالہیٰ

قتل کا طریقہ

دونوں مجرم پہلے ہی اس راستے پر ٹیچر کا انتظار کر رہے تھے۔ مجرموں نے سکوٹر کو دیکھتے ہی ٹیچر کو گولی مار دی۔گرفتار ملزم محمد معروف کی فراہم کردہ معلومات کی بنیاد پر واردات میں استعمال ہونے والی موٹر سائیکل اور دیسی ساختہ پستول برآمد کر لیا گیا ہے۔

مزید گرفتاریوں کی کارروائی

دوسرے ملزم محمد سہیل اور اصل سازش کرنے والی خاتون کو گرفتار کر لیا گیا ہے۔ واقعے میں ملوث دیگر ملزمان کی گرفتاری کے لیے چھاپے مارے جا رہے ہیں۔