انڈونیشیا کے صدر دو روزہ دورے پر پیر کو پاکستان پہنچیں گے

انڈونیشیا کے صدر کا دورہ پاکستان

اسلام آباد(ڈیلی پاکستان آن لائن) سفارتی ذرائع کے مطابق انڈونیشیا کے صدر دو روزہ دورے پر پیر کو پاکستان پہنچیں گے۔ انڈونیشین صدر وزیراعظم شہباز شریف کی دعوت پر پاکستان آ رہے ہیں۔

یہ بھی پڑھیں: لیسکو نے سیلاب سے متاثرہ 67 فیڈرز میں سے 59 مکمل 8 جزوی طور پر بحال کر دیئے

دعوت کا پس منظر

نجی ٹی وی چینل ہم نیوز کے مطابق وزیراعظم نے گزشتہ دورۂ انڈونیشیا کے دوران صدر کو پاکستان آنے کی دعوت دی تھی، جسے اب باضابطہ طور پر قبول کر لیا گیا ہے۔

یہ بھی پڑھیں: اسلام آباد میں بلدیاتی انتخابات کے لیے کاغذات نامزدگی کی جانچ کا مرحلہ مکمل

دورے کا مقصد

ذرائع کا کہنا ہے کہ دورے کا بنیادی مقصد دونوں ممالک کے درمیان سیاسی، معاشی، دفاعی، ثقافتی اور عوامی روابط کو مزید مضبوط بنانا ہے۔

یہ بھی پڑھیں: ابوظہبی ڈائیلاگ 2026 میں پاکستان اور بنگلہ دیش کی لیبر فورس کو درپیش مشترکہ چیلنجوں پر تبادلہ خیال کیاگیا

وفد کی آمد

انڈونیشیا کے صدر کے ساتھ ایک اعلیٰ سطح کا وفد بھی پاکستان پہنچے گا، جو مختلف شعبوں میں تعاون بڑھانے سے متعلق ملاقاتیں کرے گا۔

یہ بھی پڑھیں: کراچی کنگز نے معین علی کو 6 کروڑ 44 لاکھ میں سائن کرلیا

ملاقاتیں

انڈونیشین صدر اپنے دورے کے دوران وزیراعظم شہباز شریف سے ون آن ون ملاقات کریں گے جبکہ صدرِ پاکستان آصف علی زرداری سے ملاقات بھی متوقع ہے۔ مہمان صدر کی عسکری قیادت سے ملاقات کا بھی قوی امکان ہے۔

یہ بھی پڑھیں: مقامی صنعتکاروں کو 37 کروڑ 80 لاکھ ڈالرز سالانہ نقصان کا سامنا ،اضافی ایل این جی بیچنے پر غور شروع

تجارتی معاہدے

دورے کے دوران پاکستان اور انڈونیشیا کے درمیان آزادانہ تجارت کے معاہدے کو حتمی شکل دیے جانے کا امکان ہے۔

مفاہمتی سلسلے

سفارتی ذرائع کے مطابق فریقین تجارت، سرمایہ کاری، دفاعی پیداوار اور دوطرفہ اقتصادی تعاون کو بڑھانے پر بھی جامع بات چیت کریں گے.