بھارتی خفیہ ایجنسی را کے 12 دہشت گرد بھاری اسلحہ و بارود سمیت گرفتار

سی ٹی ڈی پنجاب کی کارروائی

لاہور(ڈیلی پاکستان آن لائن) سی ٹی ڈی پنجاب نے بھارتی خفیہ ایجنسی را کے 12 دہشت گردوں کو بھاری مقدار میں اسلحہ، بارودی مواد، ڈیٹونیٹر، آئی ڈی بم اور نقدی سمیت گرفتار کر لیا۔

یہ بھی پڑھیں: کراچی میں خواتین کے سوشل میڈیا اکاؤنٹس ہیک کرکے ہراساں کرنے والا ملزم گرفتار

گرفتار دہشت گردوں کی معلومات

نجی ٹی وی چینل دنیا نیوز کے مطابق، سی ٹی ڈی پنجاب کا کہنا ہے کہ گرفتار را کے دہشت گردوں کے قبضے سے حساس مقامات اور حساس اداروں کی تصویریں، ویڈیو لوکیشن بھی برآمد کر لی گئی۔ مزید یہ کہ ان دہشت گردوں سے ایک مدرسے اور ایک میلے کی تصاویر، ویڈیوز اور لوکیشن بھی ملی ہیں۔

یہ بھی پڑھیں: 190 ملین پاؤنڈ ریفرنس، عدالت نے 14 صفحات اور 79 سوالوں پر مشتمل سوال نامہ بانی پی ٹی آئی کو فراہم کر دیا

دہشت گردوں کی منصوبہ بندی

حکام نے بتایا ہے کہ فیصل آباد سے گرفتار دہشت گرد پنجاب میں خوف و ہراس پھیلانے کے ساتھ مذہبی منافرت بھی پھیلانا چاہتے تھے۔ لاہور سے گرفتار را کے دہشت گردوں میں دیپ سنگھ، عظمت، فیضان، نبیل ابرار، عثمان سرفراز جبکہ فیصل آباد سے دانش کو پکڑا گیا۔

یہ بھی پڑھیں: سیلاب متاثرہ علاقوں میں ٹینٹ سٹی قائم، ڈاکٹر اور طبی عملہ موجود، مفت ادویات دستیاب، ہنگامی صورتحال کے لیے عارضی ہیلی پیڈ کا انتظام

بہاولپور میں مزید گرفتاریاں

بتایا گیا ہے کہ بہاولپور سے گرفتار فتنہ الہندوستان کے دہشت گردوں میں رجب، ہاشم، ثاقب اور عارف شامل ہیں۔

یہ بھی پڑھیں: کے الیکٹرک کی ستمبر کی ماہانہ فیول ایڈجسٹمنٹ کی درخواست پر فیصلہ محفوظ

فیس بک کے ذریعے گرفتاری

سی ٹی ڈی کی جانب سے بتایا گیا کہ عادل نامی ایک فیس بک آئی ڈی جو کہ انڈیا میں را کے ذریعے آپریٹ کر رہی تھی، کی مدد سے دہشت گردوں کو گرفتار کیا گیا۔ یہ دہشت گردوں کو بھارتی دہشت گرد ایجنسی را سے بھاری فنڈنگ بھی کی جاتی تھی۔

تفتیش اور برآمدات

بتایا گیا کہ فتنہ الہندوستان کے گرفتار دہشت گردوں کے خلاف مقدمات درج کر کے مزید تفتیش کی جا رہی ہے۔ دہشت گردوں کے قبضے سے 7 آئی ای ڈی بم، 2 ڈیٹونیٹر، 102 فٹ حفاظتی فیوز وائر، موبائل، نقدی اور اسلحہ برآمد ہوا ہے۔