سارہ چودھری کا شوبز کیریئر کے آغاز میں نامناسب آفرز موصول ہونے کا انکشاف

سارہ چودھری کا شوبز انڈسٹری سے علیحدگی کا فیصلہ

لاہور(ڈیلی پاکستان آن لائن)مذہب کی خاطر شوبز انڈسٹری چھوڑنے والی سابقہ پاکستانی اداکارہ سارہ چودھری نے انکشاف کیا ہے کہ انہیں شوبز کیریئر کے آغاز میں متعدد غیر مہذب آفرز موصول ہوئیں۔

یہ بھی پڑھیں: ویڈیو: پاکستان کا پہلا انٹرنیشنل ڈرگ ایڈکشن ٹریٹمنٹ سینٹر اسلام آباد، گھر جیسے پرسکون اور لگژری ماحول میں علاج

پوڈ کاسٹ میں گفتگو

روزنامہ جنگ کے مطابق سارہ چودھری نے حال ہی میں ایک پوڈ کاسٹ میں بطور مہمان شرکت کی جہاں اُنہوں نے شوبز کی دنیا کے تلخ حقائق کے بارے میں بات کی۔

یہ بھی پڑھیں: محبت ملکیت نہیں، احساس ہے، یقین ہے” – دوستی کا ہاتھ نہ بڑھانے پر ٹک ٹاکر ثنا یوسف کا قتل، علی ظفر کی نظم ’’محبت‘‘ وائرل ہوگئی

شوبز انڈسٹری کے چہرے کا افسانہ

اُنہوں نے بتایا کہ شوبز انڈسٹری صرف ہراساں کیے جانے تک ہی محدود نہیں ہے بلکہ اس انڈسٹری کو زیادہ توجہ اس لیے ملتی ہے کیونکہ اس کے بارے میں عوامی تاثر یہ ہے کہ یہاں کام کرنے والے افراد کے کردار اچھے نہیں ہوتے۔

یہ بھی پڑھیں: ڈاکٹر شاہد صدیق قتل کیس: ملزم کی ضمانت منظوری کا تحریری فیصلہ جاری

نا مناسب آفرز اور پریشانیاں

سابقہ اداکارہ نے بتایا کہ شوبز انڈسٹری کے بارے میں عام اسی تاثر کی وجہ سے نئے آنے والوں کو نامناسب آفرز کثرت سے موصول ہوتی ہیں۔

اُنہوں نے مزید بتایا کہ کیریئر کی ابتداء میں میری والدہ ہر جگہ میرے ساتھ جاتی تھیں اس کے باوجود بھی ابتدائی چند مہینے میرے فیملی کیلئے بہت مشکل تھے۔

سارہ چودھری نے انکشاف کیا کہ شوبز انڈسٹری کے اندر کے لوگوں نے انتہائی نامناسب آفرز کیں جس کی وجہ سے میری والدہ بہت پریشان ہوئیں یہاں تک کہ ایک وقت آیا کہ وہ رو پڑیں اور مجھ سے اداکاری چھوڑ کر دوبارہ پڑھائی شروع کرنے کو کہا۔

ذاتی حدود کا قیام

اُنہوں نے یہ بھی بتایا کہ میں نے شوبز میں کام کرتے ہوئے اپنے لیے کچھ حدود طے کیں اور اپنی پوری کوشش کی کہ انہیں کبھی عبور نہ کروں۔