پاکستان اور انڈونیشیا کے درمیان تعاون کے 7 معاہدوں اور مفاہمتی یادداشتوں پر دستخط

پاکستان اور انڈونیشیا کے درمیان معاہدے

اسلام آباد(ڈیلی پاکستان آن لائن) پاکستان اور انڈونیشیا کے درمیان مختلف شعبوں میں تعاون کے لیے 7 معاہدوں اور مفاہمتی یادداشتوں پر دستخط کر دیئے گئے۔

یہ بھی پڑھیں: راولپنڈی: اڈیالہ جیل سے امراض قلب کے ہسپتال منتقل 3 قیدیوں میں سے ایک چل بسا

دستخط کی تقریب

نجی ٹی وی چینل دنیا نیوز کے مطابق وزیراعظم ہاؤس میں وزیراعظم شہباز شریف اور انڈونیشیا کے صدر پرابوووسو بیانتو کی موجودگی میں دونوں ملکوں کے درمیان تعاون کے معاہدوں اور مفاہمتی یادداشتوں کے تبادلے کی تقریب ہوئی۔

یہ بھی پڑھیں: جب رنگ باز موڈ میں ہوتے ہیں تو فیک AI کی ویڈیو شیئر کر دیتے ہیں اور معذرت خواہ بھی نہیں ہوتے،مزمل اسلم

اعلیٰ تعلیم میں تعاون

پاکستان اور انڈونیشیا کے درمیان اعلیٰ تعلیم کے شعبے میں تعاون کا معاہدہ کر لیا گیا، پاکستانی طلبا کی انڈونیشیا میں اعلیٰ تعلیم کیلئے انڈونیشین ایڈ سکالر شپ پروگرام پر دستخط کئے گئے۔

یہ بھی پڑھیں: عمران خان کے سامنے بجٹ رکھنا چاہتے ہیں، ملاقات نہیں کرائی جارہی : علی امین گنڈاپور

کاروبار کی ترقی

چھوٹے اور درمیانے کاروبار کی ترقی کیلئے تعاون کی مفاہمتی یادداشت کا تبادلہ ہوا جبکہ پاکستان اور انڈونیشیا کے درمیان تاریخی دستاویزات اور ریکارڈ محفوظ بنانے کے لیے مفاہمتی یادداشت پر دستخط ہوئے۔

یہ بھی پڑھیں: لاہور میں سبق یاد نہ ہونے پر استاد نے 10 سالہ طالب علم کو بیہمانہ تشدد کا نشانہ بنا ڈالا

سیکیورٹی اور تجارت

اس موقع پر دونوں ممالک کے درمیان منشیات سمگلنگ کی روک تھام کے لیے مفاہمتی یادداشت، حلال تجارت اور سرٹیفکیشن کیلئے مفاہمتی یادداشت پر دستخط کئے گئے۔

صحت کے شعبے میں تعاون

پاکستان اور انڈونیشیا کے درمیان صحت کے شعبے میں تعاون کی مفاہمتی یادداشت کا بھی تبادلہ کیا گیا۔