2027 میں صدی کا طویل ترین سورج گرہن ہوگا

ناسا کی تصدیق

نیویارک(ڈیلی پاکستان آن لائن) امریکی خلائی ادارے ناسا نے تصدیق کی ہے کہ اگست 2027 میں صدی میں ایک بار ہونے والا نایاب اور طویل ترین سورج گرہن ہوگا۔

یہ بھی پڑھیں: جدہ میں شوکت خانم ہسپتال کے تعاون سے کینسر سے آگاہی کے سلسلے میں تقریب، لیکچر اور سوالات کے جواب دیے گئے

سورج گرہن کا آغاز

یہ غیر معمولی فلکیاتی نظارہ 2 اگست 2027 کو بروز پیر شام 10 بج کر 6 منٹ پر یونیورسل ٹائم (UTC) کے مطابق شروع ہوگا۔

یہ بھی پڑھیں: آٹے کی قیمت میں کمی، روٹی 10 روپے سستی، نئی قیمت جانیے

چاند کا سایہ

ناسا کے مطابق اس سورج گرہن کے دوران چاند کا سایہ شمالی افریقہ، یورپ اور مشرقِ وسطیٰ کے مختلف علاقوں سے گزرتا ہوا نظارہ پیش کرے گا۔ مکمل اندھیرا مراکش، الجزائر، تیونس، اسپین، سعودی عرب، یمن، صومالیہ کے علاوہ بحرِ ہند اور بحرِ اوقیانوس کے علاقوں میں واضح طور پر دیکھا جاسکے گا۔

یہ بھی پڑھیں: سموگ کی صورتحال مزید خراب، فضائی آلودگی میں آج فیصل آباد کا پہلا نمبر

سورج گرہن کی مدت

ناسا کا کہنا ہے کہ 2027 کا سورج گرہن 6 منٹ 23 سیکنڈ تک جاری رہے گا، جو اسے 1991 اور 2009 کے طویل ترین گرہنوں کے بعد ایک تاریخی واقعہ بناتا ہے۔ ماہرینِ فلکیات نے اسے صدی کا گرہن قرار دیا ہے۔

دلچسپ مظاہر

سورج، چاند اور زمین کے ایک سیدھ میں آجانے سے سورج کی روشنی کچھ دیر کے لیے مکمل طور پر چاند کے پیچھے چھپ جاتی ہے، جس کے نتیجے میں سورج ایک چمکتے ہوئے ہیرے کی انگوٹی (Diamond Ring) کی شکل اختیار کرلیتا ہے۔ اس دوران درجہ حرارت میں نمایاں کمی بھی واقع ہوتی ہے۔