محکمہ پاسپورٹس نے آن لائن تصدیق کا نیا نظام شروع کر دیا

محکمہ پاسپورٹس کا نیا آن لائن نظام

اسلام آباد(ڈیلی پاکستان آن لائن) محکمہ پاسپورٹس نے آن لائن تصدیق کا نیا نظام شروع کر دیا جس کے ذریعے آن لائن پاسپورٹ درخواست گزاروں کے فنگر پرنٹس کی تصدیق کا تکنیکی مسئلہ حل کر لیا گیا۔

یہ بھی پڑھیں: 150 رنز پر آؤٹ ہونے کے بعد انڈین بولرز کی شاندار واپسی: ‘آسٹریلیا کی پچ ہے، اس لیے کوئی بھی برا نہیں کہے گا’

نادرا کی پاک آئی ڈی ایپ سے تصدیق

نجی ٹی وی چینل دنیا نیوز کے مطابق پاسپورٹ درخواست گزار نادرا کی پاک آئی ڈی ایپ سے بآسانی فنگر پرنٹس کی تصدیق کر سکیں گے۔ فنگر پرنٹس کی تصدیق میں مسائل پر چہرے کی تصدیق کی آپشن بھی میسر ہوگی۔

یہ بھی پڑھیں: جاپان میں ایک مچھلی تقریباً 90 کروڑ روپے میں نیلام

اوورسیز پاکستانیوں کی سہولت

ڈی جی پاسپورٹس مصطفیٰ جمال قاضی کے مطابق اوورسیز پاکستانیوں کی جانب سے آن لائن فنگر پرنٹس کی تصدیق میں مسائل کی شکایات تھیں، سہولت سے اوورسیز پاکستانیز اور سینئر سیٹیزن خصوصی طور پر مستفید ہو سکیں گے۔

شہریوں کی آسانی کے لئے جدید سہولیات

ڈی جی پاسپورٹس کا کہنا تھا کہ شہریوں کی آسانی کے لئے ہر ممکن اور جدید سہولیات متعارف کروائی جا رہی ہیں۔