فیض حمید سیاسی سرگرمیوں میں ملوث پائے گئے،رانا ثنااللہ

مشیر وزیراعظم کا بیان

اسلام آباد (ڈیلی پاکستان آن لائن) مشیر وزیراعظم رانا ثنااللہ کا کہنا ہے کہ فیض حمید سیاسی سرگرمیوں میں ملوث پائے گئے۔ وہ کسی سیاسی جماعت یا سیاست دان کے ساتھ ملوث تھے۔

یہ بھی پڑھیں: محرم الحرام میں سیکیورٹی کے لیے اہم اجلاس، فیلڈ میں متحرک ہونے کے حوالے سے اہم فیصلہ

فیض حمید کے خلاف فیصلے کی اہمیت

رانا ثنااللہ نے کہا کہ سابق لیفٹیننٹ جنرل فیض حمید کے خلاف فیصلے میں دو چیزیں اہمیت کی حامل ہیں: فوج میں ہر کسی کا احتساب ہوتا ہے اور فیض حمید سیاسی سرگرمیوں میں ملوث پائے گئے۔

یہ بھی پڑھیں: چیف جسٹس لاہور ہائیکورٹ جسٹس عالیہ نیلم کا بڑا فیصلہ، ارشد انصاری سمیت صحافیوں کو جاری نوٹس پر حکم امتناع جاری، تفتیشی افسر طلب

مستقبل کی توقعات

مشیر وزیراعظم نے کہا کہ فیض حمید کسی سیاسی جماعت یا سیاست دان کے ساتھ ملوث تھے، اور میرا اندازہ ہے کہ ان کو بھی پراسیکیوٹ کیا جائے گا۔ انہوں نے مزید کہا کہ اگر معاملہ سیاسی جماعت تک جاتا ہے تو یہ فوجی عدالت میں جائے گا۔

نو مئی کے واقعات اور ذمہ داری

رانا ثنااللہ نے کہا کہ فیصلے میں نو مئی کا ذکر ہوا تو پی ٹی آئی کے اہم رہنما بھی ذمہ دار ٹھہرائے جائیں گے۔ انہوں نے کہا کہ تھری اسٹار جنرل کا کورٹ مارشل ہوا، سزا ہوئی اور اگر آرمی ایکٹ کی خلاف ورزی ہو تو کورٹ مارشل ہوتا ہے۔