امریکا نے پاک فضائیہ کے ایف۔16 بیڑے کے لئے 686 ملین ڈالر کے اپ گریڈ پیکیج کی منظوری دے دی

پاکستان ایئر فورس کے ایف6 بیڑے کے لئے اپ گریڈ پیکیج

واشنگٹن(ڈیلی پاکستان آن لائن) امریکا نے پاکستان ایئر فورس (پی اے ایف) کے ایف6 بیڑے کے لئے 686 ملین ڈالر کے اپ گریڈ پیکیج کی منظوری دے دی۔

یہ بھی پڑھیں: سندھ میں موسم سرما کی تعطیلات کتنی اور کب سے ہونگی؟ جانیے

ڈیفنس سیکیورٹی کوآپریشن ایجنسی کا اعلامیہ

سرکاری خبر رساں ادارے اے پی پی کی رپورٹ کے مطابق یہ بات امریکی ڈیفنس سکیورٹی کوآپریشن ایجنسی (ڈی ایس سی اے) کی جانب سے 8 دسمبر کو کانگریس کو بھیجے گئے خط میں بیان کی گئی۔ ڈی ایس سی اے کے نوٹیفکیشن کے بعد 30 روزہ پارلیمانی جائزے کی باضابطہ طور پر مدت شروع ہوگئی ہے، جس کے دوران امریکی قانون ساز پاکستان کو ایف6 کی ٹیکنالوجی کی فراہمی پر بحث کریں گے۔

یہ بھی پڑھیں: تاجروں اور صنعتکاروں سے بھتہ طلب کرنے والے گروہ کے 2 کارندے گرفتار

فروخت کے مقاصد اور فوائد

ایجنسی کے مطابق یہ مجوزہ فروخت امریکا کی خارجہ پالیسی اور قومی سلامتی کے مقاصد کو تقویت دے گی کیونکہ اس سے پاکستان کو جاری انسدادِ دہشت گردی کارروائیوں اور مستقبل کے ممکنہ آپریشنز کے لئے امریکی و اتحادی فورسز کے ساتھ انٹر آپریبلٹی برقرار رکھنے میں مدد ملے گی۔

یہ بھی پڑھیں: فطرت توازن، صبر اور حوصلے کا سبق دیتی ہے: وزیر اعلیٰ مریم نواز کا ’’ایکس ‘‘ پر پیغام

اپ گریڈ پیکیج کی تفصیلات

اپ گریڈ پیکیج میں لنک6 سسٹمز، کرپٹوگرافک آلات، ایویونکس اپ ڈیٹس، تربیت اور جامع لاجسٹک معاونت شامل ہے۔ یہ پیش رفت امریکی صدر سے پاکستان کی سول اور عسکری قیادت کی خوشگوار ملاقاتوں کے بعد سامنے آئی ہے۔

خطرات سے نمٹنے کی صلاحیت

ڈی ایس سی اے کے خط میں کہا گیا کہ یہ فروخت پاکستان کے بلاک-52 اور مڈ لائف اپ گریڈ ایف6 بیڑے کی جدید کاری اور مرمت کے ذریعے موجودہ اور آئندہ خطرات سے نمٹنے کی صلاحیت کو برقرار اور مضبوط رکھے گی۔ خط میں کہا گیا کہ یہ جدید اپ گریڈز پی اے ایف اور امریکی فضائیہ کے درمیان جنگی کارروائیوں، مشقوں اور تربیت میں مزید مؤثر انضمام اور انٹر آپریبلٹی کو ممکن بنائیں گے اور طیاروں کی عمر 2040 تک بڑھانے کے ساتھ ساتھ اہم حفاظتی امور کا بھی حل فراہم کریں گے۔