ورلڈ ٹریڈ سینٹر دبئی میں آٹومکینیکا دبئی 2025 کا انعقاد، پاکستانی کمپنیوں کی شرکت

آٹومکینیکا دبئی 2025 میں پاکستانی شرکت

دبئی (طاہر منیر طاہر) پاکستانی کمپنیاں آٹومکینیکا دبئی 2025 میں حصہ لے رہی ہیں، جو مشرقِ وسطیٰ اور افریقہ (MEA) میں آٹوموٹیو مصنوعات کی سب سے بڑی بین الاقوامی تجارتی نمائش ہے، اور دبئی ورلڈ ٹریڈ سینٹر (DWTC) میں منعقد ہو رہی ہے۔

یہ بھی پڑھیں: پی ٹی آئی کے لوگ کہیں کہ وہ بانی کے بیانیے کے ساتھ نہیں تو ان سے بات ہو سکتی ہے، عطا تارڑ

بین الاقوامی نمائش کی تفصیلات

اس ایونٹ میں 60 ممالک کے 2,400 سے زائد نمائش کنندگان شرکت کر رہے ہیں، جو پرزہ جات، ٹائرز، بیٹریاں، لبریکنٹس، ریڈی ایٹرز، الیکٹرانکس، ڈائگنوسٹکس، باڈی و پینٹ سسٹمز، لائٹنگ، ایکسیسریز، مکینیکل اختراعات اور جدید الیکٹرک و ہائبرڈ ٹیکنالوجیز سمیت وسیع رینج کی مصنوعات پیش کر رہے ہیں۔ نمائش میں 50,000 سے زائد وزیٹرز اور خریداروں کی آمد متوقع ہے۔

یہ بھی پڑھیں: گورنر خیبر پختونخوا نے ایف سی ہیڈکوارٹرز پر حملے کی تفصیلات طلب کرلیں۔

پاکستانی کمپنیاں اور ان کی شرکت

ٹریڈ ڈیولپمنٹ اتھارٹی آف پاکستان (TDAP) کی سہولت سے 9 پاکستانی کمپنیاں اپنی مصنوعات کی نمائش کر رہی ہیں۔

یہ بھی پڑھیں: فضاﺅں سے آﺅ گے تو ہوا میں اڑا دیں گے: کامیڈین افتخار ٹھاکر کا بھارت کو کرار ا جواب

پاکستان پویلین کا افتتاح

پاکستان پویلین کا افتتاح قونصل جنرل پاکستان دبئی حسین محمد نے کیا، جنہوں نے پاکستانی کمپنیوں کی شرکت کو سراہا اور آٹومکینیکا جیسے عالمی پلیٹ فارم پر موجودگی کی اہمیت کو اجاگر کیا۔ انہوں نے کہا کہ نمائش میں پاکستان کی مسلسل شمولیت اس عزم کی عکاسی کرتی ہے کہ وہ اپنی برآمدات کا دائرہ وسیع کرے، بین الاقوامی کاروباری روابط مضبوط بنائے اور خلیج، مشرقِ وسطیٰ اور افریقہ کی بڑھتی ہوئی آٹوموٹیو منڈیوں میں تجارتی مواقع سے فائدہ اٹھائے۔

تجارتی مواقع کی حوصلہ افزائی

ٹریڈ اینڈ انویسٹمنٹ قونصلر علی زیب خان بھی افتتاح کے موقع پر موجود تھے، جنہوں نے عالمی منڈیوں میں پاکستانی مصنوعات کے فروغ اور برآمد کنندگان کو نئے کاروباری مواقع کے حصول میں معاونت فراہم کرنے کے عزم کا اعادہ کیا۔