حکومت کی آئی ایم ایف کو بجلی اور گیس بروقت مہنگی کرنے کی یقین دہانی
بجلی اور گیس کی قیمتوں میں اضافے کی یقین دہانی
اسلام آباد (ڈیلی پاکستان آن لائن) حکومت نے آئی ایم ایف کو بجلی اور گیس بروقت مہنگی کرنے کی یقین دہانی کرادی۔
یہ بھی پڑھیں: گیمبلنگ ایپ کو پرموٹ کرنے کا معاملہ، یوٹیوبر سعد الرحمان عرف ڈکی بھائی نے لاہور ہائیکورٹ سے رجوع کر لیا
ٹیکس ریونیو میں کمی کا سامنا
نجی ٹی وی سما نیوز کے مطابق حکومت کو رواں مالی سال کے دوران ٹیکس ریونیو شارٹ فال کا سامنا ہے۔ کمی کو پورا کرنے کیلئے ٹیکس قوانین پر عملدرآمد سخت کرنے کا فیصلہ کرلیا گیا۔
یہ بھی پڑھیں: پاکستان نے کن کن افغان پوسٹوں پر قبضہ کیا؟ تفصیلات سامنے آگئیں
اضافی ٹیکس اقدامات
وزارت خزانہ کی دستاویز کے مطابق اضافی ٹیکس اقدامات کا روڈ میپ رواں ماہ ہی تیار ہوگا۔ کھاد و کیمیکلز پر فیڈرل ایکسائز ڈیوٹی میں 5 فیصد اضافے، مہنگی شوگری اشیاء پر بھی نئی فیڈرل ایکسائز ڈیوٹی لگانے کی تجویز ہے۔
یہ بھی پڑھیں: گرین لینڈ کا معاملہ، ٹرمپ نے یورپی ممالک پر ٹیرف عائد کردیا
سیمنٹ اور چینی سیکٹر کی نگرانی
سیمنٹ اور چینی سیکٹر میں پروڈکشن مانیٹرنگ مزید سخت کرنے کا فیصلہ کرلیا گیا۔ کیپٹو پاور پلانٹس لیوی میں 104 ارب شارٹ فال پورا کرنے کیلئے گیس سبسڈی میں کمی کا پلان ہے۔ وفاق اور صوبوں کے درمیان بوجھ کی منصفانہ تقسیم پرتوجہ دی جائے گی۔
یہ بھی پڑھیں: مسافر نے جہاز کو ہائی جیک کرنے کی کوشش ناکام بنادی
نان فائلرز کے خلاف کارروائی
نان فائلرز اور اثاثے رکھنے والوں کے خلاف کارروائی تیز ہوگی۔ دو سال میں 40 ہزار بڑے ریٹیلرز کو مکمل طور پر پی او ایس پر لانے کا ہدف ہے۔ ڈیجیٹل انوائسنگ کا دائرہ بھی وسیع تر ہوگا۔ بعض اشیاء کو 8ویں جی ایس ٹی شیڈول سے نکال کر عام جی ایس ٹی میں لانے کی تجویز ہے۔ ایف بی آر مارچ 2026 تک تین اہم طے شدہ اصلاحات مکمل کرے گا۔
یہ بھی پڑھیں: نیشنل سائبر کرائم ایجنسی نے فتنہ الہندوستان کا بیانیہ پھیلانے والا سرکاری ملازم پکڑ لیا
بجلی کی قیمتوں میں اضافے کی اسکیم
آئی ایم ایف کو بجلی، گیس بروقت مہنگی کرنے کی یقین دہانی کروا دی گئی۔ اضافی بجلی استعمال اسکیم کے تحت لاگت بڑھنے پر خودکار ایڈجسٹمنٹ ہوگی۔ ناقابل توسیع اسکیم 3 سال بعد خود ختم ہو جائے گی۔ دو مسلسل جائزوں میں زائد ٹیرف لگا تو اسکیم فوری ختم ہوگی۔ آمدن کم رہی تو صنعت و زراعت کیلئے ٹیرف مزید بڑھے گا۔ کمزور صارفین کیلئے تحفظ برقرار رکھا جائے گا۔
یہ بھی پڑھیں: ٹی ٹوئنٹی ورلڈ کپ: پاک بھارت میچ بحال ہونے پر شاہد آفریدی کا ردعمل آگیا
گیس سیکٹر میں اصلاحات
گیس سیکٹر سرکلر ڈیbt مینجمنٹ پلان مارچ 2026 میں شائع ہوگا۔ گیس چوری اور لائن لاسز کم کرنے کے اقدامات کی یقین دہانی کرائی گئی۔ مالی سال 2030-31 تک گردشی قرضے صفر کرنے کی ٹھان لی گئی ہے۔ اسلام آباد، گوجرانوالہ اور فیصل آباد الیکٹرک کمپنی کی نجکاری 2026 کے آغاز میں ہوگی۔
نئے پاور پلان کی تجویز
نئے پاور پلان میں 7 ہزار میگاواٹ اضافی صلاحیت ختم کرنے کی تجویز ہے، اضافی بجلی کی صلاحیت کم ہونے سے ٹیرف میں بڑی کمی کی امید ہے۔ 10 سال میں 17 ارب ڈالر کی بچت کی متوقع بھی ظاہر کی گئی ہے۔
