وزیر اطلاعات عظمیٰ بخاری کا معروف ماہرِ تعلیم ڈاکٹر شفقت حسین چوہدری کے انتقال پر گہرے دکھ کا اظہار

وزیر اطلاعات و ثقافت کا اظہار افسوس

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے سی ای او پبلک نیوز احمد ساہی کے والد، معروف ماہرِ تعلیم ڈاکٹر شفقت حسین چوہدری کے انتقال پر گہرے دکھ اور افسوس کا اظہار کیا ہے۔

یہ بھی پڑھیں: 24 نومبر کو دھرنے کی کال دینے والے کامیاب نہیں ہونگے، نواز شریف کا بیان

تعزیت اور ہمدردی کا اظہار

عظمٰی بخاری نے احمد ساہی اور ان کے اہلِ خانہ سے دلی تعزیت اور ہمدردی کا اظہار کرتے ہوئے مرحوم کے لیے مغفرت اور پسماندگان کے لیے صبرِ جمیل کی دعا کی۔ انہوں نے کہا کہ ڈاکٹر شفقت حسین چوہدری کی تعلیم کے شعبے میں خدمات قابلِ تحسین ہیں جو ہمیشہ یاد رکھی جائیں گی۔ دکھ کی اس گھڑی میں پنجاب حکومت احمد ساہی اور ان کے اہلِ خانہ کے ساتھ کھڑی ہے۔

دعا اور نیک تمنائیں

انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار خاندان کو یہ صدمہ برداشت کرنے کی توفیق دے۔