پاکستان سری لنکا کو اہم علاقائی ملک سمجھتا ہے، جو علاقائی اور عالمی امن کے لیے اہم کردار ادا کر رہا ہے، وزیردفاع خواجہ محمد آصف

وزیر دفاع کی ہائی کمشنر سری لنکا سے ملاقات

اسلام آباد (سٹاف رپورٹر) وزیر دفاع خواجہ محمد آصف سے سری لنکا کے ہائی کمشنر ریئر ایڈمرل (ریٹائرڈ) فری سینی ویراتنے نے ملاقات کی۔ فریقین نے دونوں ممالک کے درمیان جاری تعاون پر اطمینان اور باہمی فائدہ مند شعبوں میں تعاون کو مزید مضبوط بنانے کے عزم کا اظہار کیا۔

یہ بھی پڑھیں: پاکستان میں نوجوانوں میں ہارٹ اٹیک کا خطرہ بڑھ گیا۔

پاکستان اور سری لنکا کی دوستی

وفاقی وزیر نے پاکستان اور سری لنکا کے درمیان دیرینہ دوستی کو سراہتے ہوئے کہا کہ اہم مسائل اور علاقائی تناظر کو دیکھتے ہوئے دونوں ممالک کو کثیرالجہتی تعلقات کے مثبت انداز سے فائدہ اٹھاتے ہوئے تعلقات کو مزید مضبوط کرنے کی ضرورت ہے۔

یہ بھی پڑھیں: حماد اظہر کا این اے 129 کا ضمنی الیکشن نہ لڑنے کا فیصلہ

پاکستان کی حمایت

وزیر دفاع نے اس بات پر روشنی ڈالی کہ پاکستان سری لنکا کو ایک اہم علاقائی ملک سمجھتا ہے، جو علاقائی اور عالمی امن کے لیے اہم کردار ادا کر رہا ہے، اور پاکستان سری لنکا کی علاقائی سالمیت اور خودمختاری کا احترام اور حمایت کرتا ہے۔

ہائی کمشنر کا شکریہ

سری لنکا کے ہائی کمشنر نے حکومت پاکستان کی طرف سے فراہم کی جانے والی حالیہ بروقت انسانی امداد اور مدد کے لیے تہہ دل سے شکریہ ادا کیا۔ معزز مہمان نے انسداد دہشت گردی میں کامیابیوں کا اعتراف کرتے ہوئے پاک مسلح افواج کی پیشہ ورانہ مہارت کی تعریف کی۔