آسٹریلیا نے ایشیز سیریز کے تیسرے ٹیسٹ کیلئے سکواڈ کا اعلان کر دیا

سڈنی (ڈیلی پاکستان آن لائن) آسٹریلیا نے ایشیز سیریز کے تیسرے ٹیسٹ کے لیے پلئینگ الیون میں 2 تبدیلیاں کرتے ہوئے ٹیم کا اعلان کردیا ہے۔

تبدیلیاں اور کھلاڑیوں کی واپسی

غیرملکی میڈیا کے مطابق آسٹریلوی پلئینگ الیون میں دو تبدیلیاں کی گئی ہیں، کپتان پیٹ کمنز اور نیتھن لیون ٹیم کا حصہ ہوں گے۔

پیٹ کمنز کمر کی تکلیف کے باعث ایشیز سیریز کے پہلے دو ٹیسٹ میچز نہیں کھیل سکے تھے لیکن اب وہ واپسی کر رہے ہیں۔

کون کھیلے گا، کون نہیں؟

مائیکل نیسر اور برینڈن ڈوگٹ کو پلئینگ الیون میں جگہ نہیں ملی ہے۔ اس کے علاوہ عثمان خواجہ کو ایک بار پھر نظر انداز کر دیا گیا ہے۔

عثمان خواجہ پہلے پرتھ ٹیسٹ میں کمر کی تکلیف کا شکار ہوئے تھے لیکن اب وہ مکمل صحت یاب ہو چکے ہیں۔

تیسرے ٹیسٹ کی تفصیلات

ایشیز سیریز کا تیسرا ٹیسٹ کل سے ایڈیلیڈ میں شروع ہو گا۔ پانچ ٹیسٹ میچز کی سیریز میں آسٹریلیا کو دو صفر سے برتری حاصل ہے۔