وزیراعلیٰ پنجاب کی صنعتی کارکنوں کے لیے 720 فلیٹس کی قرعہ اندازی

وزیراعلیٰ پنجاب کی جانب سے قرعہ اندازی

لاہور(ڈیلی پاکستان آن لائن)وزیراعلیٰ پنجاب مریم نواز شریف نے صوبہ کے بے گھر صنعتی ورکرز کے نئے تعمیر کردہ 720 فلیٹس کی قرعہ اندازی کر دی۔

یہ بھی پڑھیں: عمران خان قائداعظم سے بھی زیادہ مقبول ہیں، محمد علی جناح کے پاس بھی کے پی کے نہیں تھا : اسد طور

قرعہ اندازی کا آغاز

نجی ٹی وی چینل دنیا نیوز کے مطابق وزیراعلیٰ مریم نواز نے بٹن دبا کر قرعہ اندازی کے پراسیس کا آغاز کیا۔ کامیاب صنعتی ورکرز کو مبارکباد دی، 720 صنعتی ورکرز اب اپنے بنے بنائے گھروں کے مالک ہوں گے۔

یہ بھی پڑھیں: علامہ طاہر اشرفی کے چھوٹے بھائی حافظ محمد احمد انتقال کر گئے

خصوصی ہدایتیں

وزیراعلیٰ مریم نواز شریف نے بیوگان اور سپیشل افراد کو قرعہ اندازی سے الگ کر کے فلیٹ دینے کا حکم دیا۔ صنعتی کارکنوں کے لیے مزید 1872 فلیٹس آئندہ 18 ماہ میں مکمل ہوں گے۔

یہ بھی پڑھیں: تجاویز غیر معقول اور حد سے زیادہ تھیں، ایران نے امریکہ کے ساتھ براہِ راست مذاکرات کی تردید کر دی

شیخوپورہ میں سہولیات

شیخوپورہ میں قائداعظم بزنس پارک میں 700ورکرز کے لئے بیچلر ہاسٹل کی تین ماہ میں تکمیل کی ہدایت کی گئی، اور سپیشل صنعتی کارکنوں کی آسانی اور تحفظ کے لئے گراؤنڈ فلور پر فلیٹس دینے کا حکم دیا گیا۔

یہ بھی پڑھیں: چار ہفتوں کی شادی میں 6 ہفتے کا حمل، بلال قطب نے کالر کا مسئلہ حل کردیا

کامیاب کارکنوں کی مبارکباد

وزیراعلیٰ مریم نواز شریف نے ندیم طاہر نامی صنعتی کارکن کو خود فون کرکے مبارکباد دی اور کہا کہ اپنے امی ابو کو ساتھ رکھنا، ان کی دعاؤں سے آپ کو فلیٹ ملا۔

یہ بھی پڑھیں: چیف جسٹس اسلام آباد ہائی کورٹ نے بہت سی باتوں پر مجھ سے اتفاق کیا ہے، اس وقت اہم عمران خان کی صحت ہے، ان کی آنکھ کا ضائع ہونا برداشت نہیں کرسکتے، اعتزاز احسن

فلیٹس کی تقسیم

واضح رہے کہ سندر فیز ٹو کے لئے 672 فلیٹس، ملتان میں 656 اور واربرٹن ننکانہ صاحب میں 544 فلیٹس صنعتی کارکنوں کو دیئے جائیں گے۔

جھنگ میں زمین کی تقسیم

جھنگ میں کمالیہ میں بننے والی لیبر کالونیز میں 2000 صنعتی کارکنوں کو تین تین مرلے کے مفت پلاٹ دیئے جائیں گے۔ جھنگ میں 1300 اور کمالیہ میں 700 صنعتی ورکرز کو انفراسٹرکچر ڈویلپمنٹ کے بعد پلاٹ ملیں گے۔