پاکستان سے جنگ کے دوران گرائے گئے بھارتی رافیل طیاروں کے نمبر سامنے آگئے
پاک بھارت جنگ میں رافیل طیارے تباہ
لندن(ڈیلی پاکستان آن لائن) برطانوی جریدہ مئی میں ہونے والی پاک بھارت جنگ کے دوران گرائے گئے 4 رافیل طیاروں کے نمبر سامنے لے آیا۔
یہ بھی پڑھیں: لاہور میں بسنت کی اجازت، ڈپٹی کمشنر نے باقاعدہ نوٹیفکیشن جاری کر دیا
ایروناٹیکل حقائق
برطانوی دفاعی جریدے کِی ایرو (Key_Aero) میگزین کی تحقیقی رپورٹ میں بتایا گیا ہے کہ مئی میں پاکستان اور بھارت کے درمیان ہونے والی 52 منٹ کی فضائی جنگ میں بھارتی فضائیہ کے 4 رافیل لڑاکا طیارے تباہ ہوئے۔
یہ بھی پڑھیں: شارجہ چلڈرن ریڈنگ فیسٹیول کی طرف سے ایکسپو سینٹر شارجہ میں اردو فیسٹ 2025 کا انعقاد
تباہ شدہ طیاروں کی تفصیلات
رپورٹ میں بتایا گیا ہے کہ تباہ رافیل طیاروں کے نمبر بی ایس 001، بی ایس 021، بی ایس 022 اور بی ایس 027 تھے جبکہ بھارت ان چاروں طیاروں کے سیریل نمبرز کے ساتھ کوئی واضح تصاویر پیش کرنے میں ناکام رہا۔
یہ بھی پڑھیں: انگریز کے خلاف آزادی کی جنگ لڑنے والے رہنماؤں کی غالب اکثریت وکلاء کی تھی، یہ وکلاء ہی تھے جنہوں نے برصغیر کے عوام کو غلامی سے آزاد کروایا۔
پاکستانی ملٹی ڈومین آپریشنز کی کامیابی
رپورٹ میں یہ بھی کہا گیا ہے کہ پاکستان کے ملٹی ڈومین آپریشنز نے بھارتی فضائیہ کو مفلوج کیا، جس کے نتیجے میں بھارتی فضائیہ کے مجموعی نقصانات میں 4 رافیل، مگ 29، ایس یو 30 اور ہیرون ڈرون شامل ہیں۔
یہ بھی پڑھیں: اسلام آباد میں دفعہ 144 کے تحت ڈرون، فینٹم اور کیم کوپٹر اڑانے پر پابندی
اہم آپریشنز
برطانوی جریدے کی رپورٹ میں مزید کہا گیا ہے کہ 10 مئی کو جے ایف 17 سی بلاک 3 نے ادھم پور میں دفاعی نظام ایس 400 کو تباہ کیا، جبکہ پاکستانی فضائیہ نے برنالا میں بھارتی کمانڈ اینڈ کنٹرول سسٹم کو بھی نشانہ بنایا۔
یہ بھی پڑھیں: لورالائی میں شہید کیے گئے مسافروں میں 2 سگے بھائی بھی شامل، لاشیں ڈیرہ غازی خان منتقل
سائبر جنگ کی کامیابی
رپورٹ کے مطابق، پاکستانی سائبریونٹس نے بھارت کے تقریباً 96 فیصد سوشل نیٹ ورکس اور ڈیجیٹل نظام کو مفلوج کیا، جو کہ پہلی بار ہوا کہ کسی فضائیہ نے سائبر اور روایتی عسکری اقدامات کو یکجا کر کے کارروائی کی۔
بھارتی چیف آف دفاع سٹاف کی تسلیمات
رپورٹ میں بتایا گیا ہے کہ بھارتی چیف آف ڈیفنس سٹاف جنرل انیل چوہان نے انٹرویو میں بھارتی طیاروں کی تباہی تسلیم کی، جبکہ اس سے قبل پاکستانی فضائیہ نے آپریشن سوئفٹ ریٹارٹ میں بھارتی مگ 21 مار گرایا تھا۔
