وزیراعظم کی ہدایت پر ایف بی آر نے اسلام آباد میں جائیدادوں کی قیمتوں کے تعین کا نوٹیفکیشن معطل کر دیا۔

وزیراعظم کی ہدایت پر ایف بی آر کی کارروائی

اسلام آباد (ڈیلی پاکستان آن لائن) وزیراعظم شہباز شریف کی ہدایت پر فیڈرل بورڈ آف ریونیو (ایف بی آر) نے اسلام آباد میں جائیدادوں کی قیمتوں کے تعین کا نوٹیفکیشن معطل کر دیا۔

یہ بھی پڑھیں: الیکٹرانک فراڈ سے متعلق 13 ہزار سے زائد لنک بلاک کیے جا چکے ہیں، پی ٹی اے

پراپرٹی سیکٹر کا ردعمل

ایکسپریس نیوز کے مطابق ایف بی آر نے 8 دسمبر کو اسلام آباد میں پراپرٹی کی نئی ویلیوایشن مقرر کی تھیں تاہم پراپرٹی سیکٹر نے ایف بی آر کی نئی ویلیوایشن کو مسترد کرنے کا اعلان کیا تھا۔

نوٹیفیکیشن کی معطلی

وزیراعظم کی ہدایت پر، ایف بی آر نے اسلام آباد کی جائیداد کی خرید و فروخت کے نئے ویلیوایشن ریٹس کے نوٹیفیکیشن کو معطل کر دیا۔ ایف بی آر نے ایس آر او نمبر 2392 جاری 8 دسمبر 2025 کو فوری طور پر معطل کرنے کا نوٹیفیکیشن جاری کر دیا۔